| Streek | Asië | |
| Bevolking | 53 492 000 | |
| Christelike bevolking | 43 991 000 (82,2%) | |
| Meederheidsgeloof | Christenskap | |
| 2021 Ranglysposisie | 49 | |
| 2020 Ranglysposisie | 44 |
49Kenia
Christenskap is die meerderheidsgeloof in Kenia, maar dit het nie die verspreiding van vervolging gestuit nie. Gelowiges vanuit ʼn Moslemagtergrond in die noordooste en kusgebiede leef veral onder die konstante bedreiging van aanvalle – selfs deur hul naaste familielede. Ons navorsing het onthul dat Christene aangeval en gedwing is om uit hul dorpe te vlug. Die Islamitiese ekstremistegroep, al-Shabaab, het die plaaslike bevolking geïnfiltreer om die aktiwiteite van Christene in hierdie gebiede te monitor.
Georganiseerde misdaad is egter ook ʼn ernstige probleem. Korrupte amptenare neem dikwels geen stappe teen vervolgers nie – wat die potensiaal verhoog vir verdere insidente teen Christene.
Die daaglikse lewens van gelowiges in Kenia is gevul met druk – veral in hul private en sosiale lewens. En in sommige streke soos die noordooste, waar al-Shabaab ʼn konstante bedreiging is, is die kerk- en gemeenskapslewe uiters moeilik en kan dit ook dreigemente oor geweld insluit.
Ontmoet Ciru
“Ek vergewe al die lede van al-Shabaab wat my Christenbroers en -susters vermoor het. Ja, julle hoor reg. Ek vergewe julle. Terwyl julle jul harte met haat vul, vul ek my hart met liefde – soos Jesus gedoen het – want julle weet eerlikwaar nie wat julle doen nie.”
ʼn Ope brief aan al-Shabaab-aanvallers deur Ciru Mariuki.
BID VIR KENIA
- Bid asseblief vir die Here se voortgesette genade vir nuwe gelowiges in Kenia. Bid dat hulle deur beproewinge en vervolging die Here se getroue beskerming en voorsiening sal ervaar. Bid dat die Here hulle deur Sy Gees vreugde, vrede en moed sal gee om hul swaarkry te oorkom.
- Bid vir Christene in die noordooste, wat dreigemente van dodelike aanvalle deur al-Shabaab in die gesig staar. Vra God om hulle te beskerm, teen geweld te beskut en aan hulle vrede te gee wat slegs van Hom af kom.
- Bid dat die Kerk in Kenia toegerus sal word om dissipelskap onder gelowiges te doen, om Goddelike leiers op te lei en om die Evangelie doeltreffend met hul bure te deel – deur die versterking en uitbreiding van die wêreldwye Kerk vir die glorie van Christus.
Wat doen Geopende Deure om Christene in Kenia te help?
Geopende Deure is sedert die vroeë 2000’s in Kenia teenwoordig en werk sedertdien daar deur plaaslike vennote en kerke. Ons bied ondersteuning aan kerke in die wisselvallige Islam-gedomineerde noordoostelike gebied en kusgebiede. Baie van ons werk is daarop gerig om die Kerk toe te rus – en meer onlangs het ons werk op COVID-19-verligting gefokus. Geopende Deure help met dissipelskap onder nuwe gelowiges, opleiding aan leiers en bystand aan hulle om sterk te bly, asook met kruiskulturele evangelisasie, ekonomiese bemagtiging, en leierskap- en traumasorgopleiding.
