skip to Main Content
Streek   Asië
Bevolking   18 777 000
Christelike bevolking   4 852 000 (25,8%)
Meederheidsgeloof   Islam
2021 Ranglysposisie   41
2020 Ranglysposisie   35

41Kasakstan

Vervolging in Kasakstan het oor die jare min verander. Wetgewing wat terugdateer na September 2011, beperk die vermoë om vrylik te aanbid. Kasakstan se regering het sy beheer oor godsdiensvryheid in die land stelselmatig erg verstewig, wat tot meer waarneming, plundering by kerkvergaderings en arrestasies gelei het. Die regering gebruik die bedreiging van militante Islam om meer vryhede te beperk. Russiese Ortodokse Kerke ervaar die minste probleme van die regering af omdat hulle nie regtig probeer om onder Kasakstan se bevolking te evangeliseer nie.

Christene vanuit ʼn Moslemagtergrond ervaar die ergste vervolging in Kasakstan, beide deur die regering en vanaf familie, vriende en die gemeenskap. Sommige gelowiges word vir lang tydperke deur hul families opgesluit, aangerand en uiteindelik uit hul gemeenskappe verban. Plaaslike mullahs preek ook teen hulle. In kort kom dit daarop neer dat Christene op alle vlakke groot druk ervaar. Moslemfamilies, vriende en dorpenaars plaas druk op bekeerdes, terwyl die regering talle beperkings plaas op die funksionering van Christelike kerke van alle denominasies en agtergronde.

Ontmoet Khan*

“Indien ek weggaan, wie sal hulle van Jesus vertel? Hoe kan hulle meer oor Hom leer as dit nie deur my is nie? Hoe meer brutaal hulle my aanrand, hoe meer sien ek hul behoefte aan Jesus Christus.”

*Naam vir sekuriteitsredes verander.

pray

Bid vir Kasakstan

  • Bid vir Christene, en veral vir kerkleiers, in Kasakstan wat agterdog en inmenging in hul lewens en geloof deur die regering moet verduur. Bid dat hulle in staat sal wees om sonder hindernisse te aanbid en dat die kerkleiers wat aangehou word, vrygelaat sal word.
  • Bid vir bekeerlinge vanaf Islam sodat hulle teen onderdrukking en diskriminasie vanaf hul families, vriende en gemeenskappe beskerm sal word.
  • Bid dat God deur die harte van Kasakstan se leiers sal werk. Die land het al vir dekades ʼn eenpartyregering en die beheer is streng. Vra dat God die waarheid oor Sy koninkryk aan die regering van Kasakstan sal bekendmaak.

Wat doen Geopende Deure om Christene in Kasakstan te help?

Geopende Deure verskaf onmiddellike hulp aan gelowiges in Sentraal-Asië wanneer hulle weens hul geloof gevange geneem word, deur hul families en gemeenskappe verwerp word, en van hul lewensmiddels en werk ontneem word. Geopende Deure versterk ook die vervolgde Kerk in Sentraal-Asië deur literatuur en Bybelverspreiding, Christelike opleiding, sosio-ekonomiese projekte en gebedsondersteuning.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.
Back To Top
×Close search
Soek