Skip to content
World Watch Research (WWR) is Geopende Deure Internasionaal se navorsingsafdeling.

Dié internasionale span toegewyde navorsers werk nóú saam met ander kundiges wat op streeks-, nasionale en subnasionale vlak werk. Sommige van hulle is Geopende Deure-personeel, terwyl ander as eksterne konsultante funksioneer.

Die span doen navorsing oor die vervolging van Christene op ‘n stewige grondslag, wat daarop gemik is om wetenskaplike ondersoeke te slaag en akademiese leiding te aanvaar. WWR versamel en publiseer al sedert 1992 gedetailleerde data oor die vervolging van Christene.

Wêreldwaarnemingslysverslae

Die Wêreldwaarnemingslys is Geopende Deure se jaarlikse ranglys van die 50 lande waar Christene die uiterste vervolging ondervind. Gebruik dié gratis verslae om jou te help om saam met jou vervolgde familie in gebed en werksaamhede te staan. (Vlugteling- en kinderverslae is slegs in Engels beskikbaar)

WWL-gebedspakket
View map
Vlugteling-verslag
View report
Kinderverslag
View report

Hoe stel Geopende Deure die Wêreldwaarnemingslys saam?

Die Wêreldwaarnemingslys is ʼn jaarlikse ranglys van lande waar Christene die meeste vervolging in die gesig staar. Dit is enig in sy soort en ʼn diepgaande uiteensetting van die plekke waar Christene Jesus volg, ongeag van die gevolge wat daaruit spruit. Die data vir 2024 se Wêreldwaarnemingslys dek die tydperk van 1 Oktober 2023 tot 30 September 2024.

Geopende Deure verstaan vervolging as “enige vyandigheid wat ervaar word weens ʼn mens se identifikasie met Christus.” Die meet van vervolging is ʼn komplekse taak en om geloofsgebaseerde vervolging te bepaal, is selfs meer ingewikkeld. In talle lande is vervolging multidimensioneel – geslag en etnisiteit sal byvoorbeeld ook ʼn rol vertolk.

Om ʼn omvattende lys te skep, werk die World Watch Research Unit nóú saam met navorsers in die veld om opnamedata en sekondêre data in dié volgende ses afdelings in te samel:

Privaatlewe

Watter soort vryheid geniet ʼn Christen om te aanbid en godsdienstige materiaal te besit? Word bekering tot die Christendom vergun? Is vryheid van denke toelaatbaar?

Familielewe

Hoe vry is Christene om hul geloof binne hul gesin te beoefen? Is dit moontlik om Christelike gesinsmylpale soos Christelike huwelike en begrafnisse te onderhou?

Gemeenskapslewe

Kan Christene sonder teistering en diskriminasie in hul plaaslike gemeenskappe funksioneer? Hoe beïnvloed hul geloof onderrig óf werk?

Nasionale lewe

Vergun die regering Christene om hul geloof te beoefen? Kan bekeerlinge hulself as Christene op amptelike dokumente identifiseer? Teiken die polisie Christene?

Kerklike meelewe

Word Christene toegelaat om saam te vergader? Kan hulle kerke bou? En as hulle kan, word hulle streng gemonitor? Is Bybels vrylik beskikbaar?

Geweld

Word Christene geestelik óf fisies aangeval? Word hulle gearresteer, ontvoer, gemartel, gevange geneem óf selfs vermoor? Staar hulle seksuele teistering in die gesig?

Elkeen van dié afdelings word gegradeer en elkeen van die 150 lande wat beoordeel word, kry dan ʼn telling uit honderd volgens die erns van hul vervolging. ʼn Telling van 81-100 is gelyk aan “uiterste” vervolging, 61-80 is “baie hoog” en 41-60 is “hoog”.”

Navorsingsmetodes en resultate word onafhanklik deur die International Institute for Religious Freedom (IIRF) nagesien.

Wêreldwaarnemingslys Gebedsflitse

Die Wêreldwaarnemingslys Gebedsflitse fokus op die verskillende lande op die Geopende Deure Wêreldwaarnemingslys. Die weeklikse e-pos gee ʼn kort oorsig oor ʼn land en ʼn pdf met relevante gebedsversoeke vir die land. Gebruik dit om jou te help bid of gebruik dit in ʼn PowerPoint in eredienste, aankondigings of ander aanbiedings. Indien jy hierdie weeklikse e-posse wil ontvang, voltooi asseblief die vorm hieronder.

  • This field is hidden when viewing the form
  • This field is for validation purposes and should be left unchanged.

Back To Top
Soek