Christene in sub-Sahara-Afrika staar gewelddadige vervolging in die gesig op 'n skaal wat nog nooit tevore gesien is nie.
Hulle doen ʼn beroep op ons om saam met hulle teen hierdie vervolging te staan.
Sal jy vandag saam met jou vervolgde broers en susters staan?
Wat is Arise Africa?
Dit is ʼn vierjaarveldtog wat daarop gemik is om:
- Volgehoue bewustheid te skep oor die probleem van ekstremistiese geweld en die impak daarvan op Christene in sub-Sahara-Afrika.
- Mense soos jy aan te moedig om aktief te bid en hulle teen gewelddadige vervolging uit te spreek.
- Vier miljoen vervolgde Christene in Afrika geestelik, fisies en emosioneel te ondersteun.
Wat is die probleem?
Uit elke 10 Christene wat vir hul geloof vermoor word, is nege daarvan in sub-Sahara Afrika.
Christene in dié streek word vervolg op ʼn skaal wat nog nooit tevore gesien is nie. Moord, marteling en ontvoering is ʼn alledaagse bedreiging. Islamitiese ekstremiste wil die Kerk vernietig en gebruik ondenkbare geweld.
Wat gebeur, is ongekend en verwoes lewens. Die Kerk se voortbestaan is in gevaar – tensy ons optree.
