• Christelike kerklike proteksionisme
Onlangse nuus
33Ethiopië
Christelike gemeenskappe in Ethiopië staar ernstige kwessies rakende godsdiensvryheid in die gesig. Christene wat aan nie-tradisionele kerke behoort, word die slegste deur plaaslike owerhede en die Ethiopies-Ortodokse Kerk (EOC) behandel.
Bekeerlinge vanuit Islam, veral in die ooste en suidooste, asook die bekeerlinge vanuit Ortodokse agtergronde, ervaar intense familie- en gemeenskapsdruk. In ander streke word Christene deur Islamitiese skares aangeval en dikwels van gemeenskapshulpbronne ontneem, wat tot sosiale isolasie lei.
Die politieke geweld, asook onlangse konflik in die Tigray-, Amhara- en Oromia-streke, het die situasie vir Christene die afgelope drie jaar vererger. Baie kerke is aangeval en vernietig en selfs diegene wat in kerke skuiling gesoek het, was nie veilig teen die geweld nie.
Ontmoet Desta
“Omdat ek na Geopende Deure se traumasorgseminaar gekom het, het baie dinge binne-in my verander . . . Jesus is ook gehaat en Hy is ook uitgedryf. Ek het dus geleer om met hierdie mense vriende te maak. Ons moet weet dat hulle ons nie sal liefhê nie, maar ons moet steeds vir hulle lewe.”
Desta (naam verander).
Wat doen Geopende Deure om te help?
Geopende Deure werk deur die plaaslike Kerk om Christene in Ethiopië te versterk met leierskap- en vervolgingsvoorbereidheidsopleiding en ekonomiese bemagtigingsprojekte.
Bid asseblief
- Bid vir die gelowiges wat Islam of die Ethiopies-Ortodokse Kerk verlaat, aangesien hulle druk kan ervaar.
- Bid vir die beskerming van Ethiopiese gelowiges in onstabiele gebiede wat dalk geteiken kan word omdat hulle Jesus volg.
- Bid vir eenheid onder alle Christene in Ethiopië en dat hulle almal aan Jesus toegewyd sal bly.