• Georganiseerde korrupsie en misdaad
• Diktatoriale paranoia
Onlangse nuus
Getuienis: Jou gawes en gebede het ʼn reddingsboei verskaf
20Burkina Faso
Burkina Faso se posisie op die Wêreldwaarnemingslys het in die laaste paar jaar skerp gestyg weens groeiende geweld teen die volgelinge van Jesus. Die opkoms van gewelddadige Islamitiese ekstremiste het Christene gedwing om te vlug en selfs stede wat vroeër veilig was, ervaar nou die risiko om aangeval te word.
Die gelowiges wat in gebiede woon waar militante groepe aktief is, loop die risiko om ontvoer of ontwortel te word, of selfs nog erger. Christene word geteiken en doodgemaak en kerke word vernietig. Honderde kerke is as gevolg van jihadistiese aktiwiteite gesluit.
Daarbenewens kan bekeerlinge vanuit Islam meer algemene druk ondervind. Familie- en gemeenskapslede verwerp bekeerlinge en probeer hulle dwing om hul geloof te verloën.
Ontmoet pastoor Soré
“Ek besef dat ons ontwortel is, maar Jesus is en sal nooit uit ons lewens ontwortel word nie. Hy is altyd by ons. Hierdie waarheid versterk my geloof en help my in hierdie moeilike tyd om bly te wees in die Here.”
Pastoor Soré (naam verander), ʼn ontwortelde gelowige in Burkina Faso.
Wat doen Geopende Deure om te help?
Geopende Deure werk deur plaaslike vennote om Christene in Burkina Faso te versterk deur die verskaffing van vervolgingsvoorbereidheidsopleiding, noodleniging en geestelike en traumasorg.
Bid asseblief
- Bid vir hoop en genesing vir gelowiges wat geweld en ontworteling deur Islamitiese militante verduur.
- Bid vir bemoediging en krag vir kerkleiers wat gedwing is om te vlug, maar steeds hoop om hul kuddes te bedien.
- Bid vir die beskerming van joernaliste wat gevaar in die oë staar en dat hulle enige nuus eerlik sal rapporteer.