42Comore
Die Comore-eilande se staatsgodsdiens is Islam en dit is onwettig om enige ander geloof as die Sunni Islam-geloof met ander te deel. Enige buitelander wat van evangelisering verdink word, kan gedeporteer word, terwyl plaaslike Christene wat Christenskap verkondig, vervolg sal word. Jy mag nie jou Christenskap (of enige ander nie-Islamitiese vorm van aanbidding) in die openbaar uitleef nie.
Christene mag wettiglik net in drie aangewese kerke aanbid. Bekeerlinge vanuit Islam kan beduidende druk ervaar, asook enigiemand wat met Christelike materiaal in hul besit betrap word.
Ontmoet Nura
“Ek het Christus op ʼn jong ouderdom ontmoet, so ek ken Jesus Christus en verstaan wie Hy is en sal nooit toelaat dat enigiets my van Hom af wegneem nie – maak nie saak watter uitdagings ek beleef nie.”
Nura (naam verander), ʼn Christen van die Comore.
Wat doen Geopende Deure om te help?
Geopende Deure werk deur plaaslike vennote om die vervolgde Kerk in die Oos-Afrika-eilande te versterk deur dissipelskap en ekonomiese bemagtigingsprojekte.
Bid asseblief
- Bid vir die Christene wat Jesus vanuit Islam ontmoet – die lewe kan uiters moeilik wees vir hulle.
- Bid dat God harte en wetgewing sal verander sodat Christene Jesus wettiglik kan volg.
- Bid dat God jong gelowiges in die klein Christen-gemeenskap sal voorberei en vir hulle huweliksmaats sal stuur.