• Diktatoriale paranoia
• Etnies-godsdienstige vyandigheid
• Stamonderdrukking
Onlangse nuus
11Indië
Hindoe-ekstremiste in Indië sien alle Christene as buitestaanders en hul doelwit is om die nasie van Islam en Christenskap te reinig, dikwels deur uitgebreide geweld. Hierdie vyandigheid word dikwels gedryf deur Hindutva, ʼn Hindoe-ideologie waaraan sommige ekstremiste steeds vasklou. Hulle glo dat alle Indiërs Hindoes moet wees en dat geen ander geloof verdra mag word nie.
Hierdie denkwyse lei tot gewelddadige aanvalle regoor die land en die aanvallers word nie vervolg nie, veral waar die owerhede ook geharde Hindoes is. Christene wat in hierdie gebiede huiskerke bywoon, staar die moontlikheid in die gesig dat hulle tydens eredienste deur ekstremistieste bendes geteiken en aangeval kan word.
Om sake te vererger, het twaalf state anti-bekeringswetgewing ingestel wat godsdiensvryheid vir individuele gelowiges bedreig.
Ontmoet Anjali Lhing
“Die slagoffers van die geweld was besig om maniere te vind om na die staat toe terug te keer, maar die aanhoudende aanvalle en moorde het alle hoop en geleenthede verminder. Huise word afgebrand, onskuldige lewens word verloor en families word steeds ontwortel. Indien die situasie dieselfde bly, kan verdere wydverspreide geweld verwag word.”
Anjali Lhing (naam verander), ʼn Christen, oor die geweld in Indië se Manipur-staat.
Wat doen Geopende Deure om te help?
Geopende Deure skep gebedsondersteuning vir vervolgde gelowiges in Indië.
Bid asseblief
- Prys God vir die bemoedigende verkiesingsresultate. Bid dat die nuwe regering die regte van alle Indiërs sal beskerm, insluitende Christene.
- Bid vir vrede en versoening vir die Christene in Manipur terwyl hulle besig is om hul lewens te herbou ná die geweld wat in 2023 plaasgevind het.
- Bid vir beskerming vir die kerkleiers wat onder die anti-bekeringswetgewing valslik beskuldig word.