skip to Main Content
Streek   Asië
Bevolking   5 150 000
Christelike bevolking   185 000 (3,6%)
Meederheidsgeloof   Islam
2021 Ranglysposisie   44
2020 Ranglysposisie   42

44Oman

In Oman word aangeneem dat alle burgers Moslems is. Islam is die staatsgodsdiens, en wetgewing word meestal op Islamitiese wette gebaseer. Hoewel siviele howe meer as 20 jaar gelede gestig is, neem die regstelsel steeds aan dat alle burgers Moslems is en word regsuitsprake volgens dié aanname gemaak.

Die vlak van vervolging vir Christene hang daarvan af of hulle buitelandse werkers of Oman-burgers is. Plaaslike bekeerdes vanaf Islam is onder die meeste druk – hul families, bure en die breër samelewing plaas almal druk op hulle om na hul nasionale en stamgeloof terug te keer. Bekeerdes kan deur hul families verwerp word en hul werk verloor. Hul kinders kan van hulle af weggeneem word, en hul families kan hulle van hul erfregte ontneem.

Christene wat vanaf Islam bekeer is, maar nie Oman-burgers is nie, ervaar verskillende vlakke van druk gebaseer op die vlak van druk in hul tuislande. Hulle bly normaalweg in buitelandse gemeenskappe saam met mense van hul tuisland, so die plaaslike gemeenskap tref ʼn drastiese onderskeid tussen die verskillende vlakke van vervolging wat volgelinge van Jesus in die gesig staar.

Die regering is grootliks verdraagsaam teenoor buitelandse Christen-gemeenskappe, maar beperk en monitor hul openbare byeenkomste steeds met ʼn ysterhand. Alle Christen-byeenkomste word gemonitor vir politieke uitsprake en bywoning deur Oman-burgers. Verder moet alle godsdienstige organisasies ook by die owerhede geregistreer wees.

Ontmoet Daniel*

“Talle gelowiges op die Arabiese Skiereiland hou hul geloof geheim, en hul families weet nie van hul bekering nie. As hulle hul geloof deel, ontstaan daar dikwels familiespanning. Soms word nuwe gelowiges aanvaar en kry hulle ʼn nuwe rol in die familie. Wanneer nuwe spanning egter ontstaan, soos met COVID-19, kan dit die brose balans omvergooi. Dit kan lei tot aantygings teen nuwe gelowiges dat hulle spanning in die familie veroorsaak. Gelowiges kan gespot word omdat hulle nie volgens Jesus se opdragte optree nie; of die familie kan ander maniere kry om gelowiges te probeer verneder.”

*Naam vir sekuriteitsredes verander.

pray

Bid vir Oman

  • In die Arabiese Skiereiland is vrees ʼn hindernis vir groei in Christus se Kerk. Daar is vrees dat diegene wat in Islam twyfel verhoed sal word om die hemel binne te gaan, aangesien vrees as ʼn vorm van ongeloof in die Islamitiese samelewing gesien word. Dan is daar ook vrees oor wat sal gebeur as jy Christus begin volg, die vrees om jou broers en susters te vertrou, en die vrees dat een van jou nuwe mede-Christene jou sal verraai. Bid asseblief dat hierdie gebondenheid aan vrees gebreek sal word.
  • Baie gelowiges wat Islam verlaat, hou hulle geloof geheim en leef in isolasie van ander volgelinge van Jesus. Vra God om hierdie geïsoleerde geheime gelowiges in aanraking met ander gelowiges te bring.
  • Soos wat die Kerk op die Arabiese Skiereiland groei, wil baie Gelowiges vanuit ʼn Moslemagtergrond graag trou. Hierdie Christene het ʼn begeerte om families te hê wat God deur Jesus liefhet en eer. Bid dat God gelowiges met mekaar in aanraking sal bring met huwelike as doelwit. Vra God om families te skep wat Sy Naam verheerlik.

Wat doen Geopende Deure om Christene in Oman te help?

Geopende Deure bevorder gebedsondersteuning vir Christene en kerke in Oman.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek