Skip to content
Streek Midde-Ooste
Christelike bevolking 196 000 (4%)
Meederheidsgeloof Islam
Vernaamste bedreigings • Islamitiese onderdrukking
• Stamonderdrukking
• Diktatoriale paranoia

Totale telling

69%

Druk

79%

Geweld

19%

Onlangse nuus

Elke R150

wat maandeliks gegee word, kan aan die dringendste behoeftes van gelowiges wêreldwyd voldoen.

31Oman

Die meeste Omaanse mense beoefen ʼn matig konserwatiewe vorm van Islam, wat neig om meer verdraagsaam teenoor ander oortuigings te wees – hoewel daar deels weens die land se sterk stamgerigte mentaliteit bykans geen verdraagsaamheid heers teenoor familielede wat tot die Christendom bekeer nie.

As deel van die regering se streng beheer oor die openbare lewe, moet alle godsdiensorganisasies by die owerhede registreer. Uitgewekene Christene kan aansienlike vryheid in Oman geniet, solank hulle dit vermy om hul geloof met Moslems te deel.

Bekeerlinge vanuit Islam tot die Christendom ondervind druk van hul families en die samelewing om hul nuwe geloof te verwerp. Dit kan fisiese, geestelike en emosionele mishandeling, werksverlies, gesinsuitsluiting, onterwing en die verlies van toesig oor hul kinders insluit. Die meeste Omaanse bekeerlinge hou dus hul nuwe geloof geheim.

Ten spyte van die vryheid wat aan uitgewekenes verleen word, kan diegene vanuit ʼn Moslem-agtergrond druk van hul eie nasionale of etniese gemeenskappe ervaar. Intussen word kerkdienste streng gemonitor om enige politieke kommentaar aan te teken en ook om vas te stel of enige Omaanse burgers dit bywoon.

Ontmoet Yacoub

“Ek het wakker geword en gedink dat my kinders die lig aangeskakel het, maar die lig het nie van die lamp af gekom nie. Ek het deurmekaar geraak. Ek het gekyk en het lig gesien, maar geen plafon nie. Ek het sterre gesien en wierook geruik. Toe sien ek ʼn wolk groei en na ons kamer toe beweeg, die wolk het die kamer gevul. En toe sien ek Sy gesig.”

Yacoub (naam verander), ʼn man van die Arabiese Skiereiland wat Jesus deur ʼn reeks drome ontmoet het.

Wat doen Geopende Deure om te help?

Geopende Deure ondersteun die Liggaam van Christus op die Arabiese Skiereiland deur gebede te organiseer, Skrif-hulpbronne te versprei en gelowiges en pastore op te lei.

Bid asseblief

  • Bid dat bekeerlinge versterk sal word om die druk te weerstaan wat hulle weens hul geloof ervaar.
  • Bid dat die relatiewe vryheid wat buitelandse Christene ervaar, sal uitbrei na inheemse Omaanse landsburgers.
  • Bid vir ʼn geloofsgemeenskap vir trekarbeiders wat mishandeling ervaar omdat hulle Christene geword het.

Teken in om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
Soek