37Mexiko

Alhoewel die meerderheid van Mexiko se bevolking Christene is, loop talle gelowiges die gevaar van vervolging, veral van kriminele bendes, dwelmkartelle en inheemse groepe.

In talle dele van die land neem kriminele groepe se teenwoordigheid toe. Christene wat hulle moedig teen dié aktiwiteite uitspreek of wat betrokke is by gemeenskapswerk of evangelisasie (veral onder die jeug, dwelmverslaafdes en migrante), word as ʼn bedreiging beskou – en dit maak van hulle ʼn teiken. Die owerhede kan nie die groeiende invloed van dié kriminele groepe stuit nie en gelowiges word sodoende selfs meer aan aanvalle blootgestel.

In sommige inheemse gemeenskappe staar diegene wat besluit om hul voorvaderlike en tradisionele oortuigings te laat vaar om Jesus te volg, uitsluiting, boetes, opsluiting en gedwonge ontworteling in die gesig. Aangesien inheemse leiers die beamptes is wat geregtigheid in sulke gebiede toepas, het gelowiges niemand om op te steun vir die ondersoek van oortredings en om hul godsdiensvryheid te beskerm nie.

Mexiko is uitsluitlik ʼn sekulêre staat en vyandigheid teenoor die Christelike geloof en waardes het oor die algemeen toegeneem. Openbare uitdrukkings van Christenskap staar ook toenemende en streng wetlike ondersoeke in die gesig.

Ontmoet Florence

“Ek het nie geweet waar om te begin nie, maar die Here het my wysheid gegee. Sewe maande nadat my man gesterf het, is my baba gebore. Die eerste jaar was ek depressief en seergemaak. Ek was op die punt om tou op te gooi. Ek het nie meer krag gehad nie. Maar God het my stadig opgehef.”

Florence, wie se man weens sy geloof vermoor is.

Wat doen Geopende Deure om te help?

Geopende Deure versterk vervolgde gelowiges in Mexiko met Bybelse opleiding, regsondersteuning, traumasorg en sosio-ekonomiese hulp.