41Demokratiese Republiek van die Kongo

Die Demokratiese Republiek van die Kongo (DRK) word steeds deur voortslepende en uiterste geweld gekenmerk en is ʼn gevaarlike en wisselvallige plek vir gelowiges om hulle te bevind.

Die oostelike deel van die DRK is die tuiste van meer as 100 gewapende groepe, van wie sommige spesifiek volgelinge van Jesus teiken. Dit laat Christene en kerke in dié streek kwesbaar vir aanvalle, insluitende moord, ontvoering en seksuele geweld. Kerkleiers wat hulle teen die geweld uitspreek, verf ʼn teiken op hul rug. Die geweld het tot ʼn grootskaalse ontwortelingskrisis in die DRK gelei, met talle gelowiges onder dié wat ontwortel is.

In dele van die land wat deur ander gelowe oorheers word, kan bekeerlinge van beide Islam en inheemse godsdienste onder druk geplaas word om aan nie-Christelike godsdienstige aktiwiteite en seremonies deel te neem. Sommige kerkleiers wat hulle teen korrupsie en geweld uitgespreek het, het voorvalle van verbale teistering en inmenging weens hul voorspraak aangemeld.

Ontmoet Neema

“As ek dink aan die kind wat dood is en die ander een met die oogprobleem, sê ek vir myself: ‘God, as ek hulle by die huis gelos en alleen weggegaan het, kon ek dalk alleen seergekry het.’ Dan herinner ek myself daaraan dat die duiwel God se plan kom ontwrig het. Dus sê ek: ‘God, help my en mag U my aanhou troos.”

Neema (naam verander), ʼn Christen in die DRK wat haar seun verloor het (en nog ʼn seun is beseer) tydens ʼn aanval op ʼn kerk in Januarie 2023.

Wat doen Geopende Deure om te help?

Geopende Deure werk deur plaaslike vennote om Christene in die DRK te ondersteun deur vervolgingsvoorbereidheidsopleiding, ekonomiese bemagtigingsprojekte en traumasorg.