36Bhoetan
Daar word aangeneem dat almal in Bhoetan Boeddhiste is. Enigiemand wat tot die Christendom bekeer word, word met agterdog bejeën en daar word gewoonlik gepoog om hulle na Boeddhisme toe terug te bring.
Aangesien daar geen geregistreerde kerke in Bhoetan is nie, kom Christene eerder in huise bymekaar. Geen kerke word amptelik deur die staat erken nie, wat beteken dat hierdie Christene wat in klein geloofsgemeenskappe bymekaar kom dit onwettig doen. Dit maak hulle kwesbaar vir kriminele aanklagte. Boonop weier die plaaslike owerhede dikwels om Christene van die korrekte papierwerk vir leningsaansoeke, eiendomregistrasie, werksaansoeke en ID-kaarthernuwings te voorsien.
Ontmoet Deki
“Mense in ons dorpie het my ouers getart en hulle geestelik geteister. Hulle het die Christelike geloof ʼn vreemde godsdiens genoem en verwarring vir ons gesin geskep.”
Deki (naam verander), ʼn jong Christen van Bhoetan.
Wat doen Geopende Deure om te help?
Geopende Deure se plaaslike vennote verskaf onmiddellike hulp aan Bhoetanese gelowiges wanneer hul geloof in Christus tot verskillende soorte vervolging lei. Ons versterk die vervolgde Kerk in Bhoetan hoofsaaklik deur gebedsondersteuning en ander praktiese noodleniging.
Bid asseblief
- Bid vir die gelowiges in Bhoetan wat net kerke in ʼn wettige grysgebied kan bywoon.
- Bid dat God die gelowiges wat vanuit Boeddhisme bekeer is, sal beskerm en bewaar.
- Bid dat God Christene wat van hul burgerskap en ander siviele regte ontneem word, sal help om hul waarde en burgerskap in Hom te vind.