skip to Main Content
Ranglysposisie   35
2021 ranglysposisie   26
Streek   Midde-Ooste/Noord-Afrika
Bevolking   12 019 000
Christelike bevolking   22 800 (0,2%)
Meederheidsgeloof   Islam

35Tunisië

Baie Christene in Tunisië ervaar wydverspreide en konstante druk. Hoewel uitgewekene Christene meestal uitgelos word, is die druk in alle aspekte hoog op Tunisiese gelowiges. Om Jesus in Tunisië te volg, lei tot ongesiene probleme wat ʼn impak op gelowiges regoor dié nasie in Noord-Afrika het.

Die situasie is veral erg vir Christene wat vanaf Islam tot bekering gekom het. Hulle ervaar vyandigheid van hul families en die omliggende gemeenskap. Dit kan gevaarlik wees om hul geloof te deel, so baie van hulle word gedwing om Jesus in die geheim te aanbid. Hulle moet versigtig wees wanneer hulle bymekaarkom vir aanbidding, aangesien blootstelling hulle in gevaar plaas – hulle word deur die Tunisiese veiligheidsdienste gemonitor.

Wat het vanjaar verander? Die druk bly hoog vir Christene in Tunisië. Hoewel nie veel verander het nie, beteken dit nie dat dinge noodwendig verbeter het nie – Christene regoor die land ervaar steeds ʼn risiko vir vervolging, en Christene vanuit ʼn Islam-agtergrond ervaar enorme druk. Boonop is die land tans in die middel van ʼn politieke krisis.

Ontmoet Nélya

“Vroue ervaar verwerping deur hul families en die samelewing. Hulle kan deur hul families in huisarres gehou word. Baie word nie toegelaat om kerk toe te gaan of saam met ander Christene bymekaar te kom nie. Hulle ervaar teenkanting wanneer hulle met ʼn Christen-man wil trou. Hulle familie plaas hulle onder geweldige druk om alle Moslem-tradisies te volg en hul geloof in Jesus prys te gee. Sommige vroue word deur hul families weggestuur en moet dan deur die Kerk gered word.”

Nélya, ʼn Christen in Noord-Afrika (sy kan in Tunisië of elders woon, maar ons kan nie spesifiek oor gelowiges in Noord-Afrika wees nie om hulle te beskerm).

pray

Bid vir Tunisië

  • Bid vir Christene in Tunisië wat vanaf Islam tot bekering gekom het, insluitende vroue wat bekommerd is dat hulle gedwing sal word om met ʼn Moslem-man te trou omdat hulle besluit het om Jesus te volg. Vra God om hulle te bewaar en te beskerm, en vra Hom om hulle te bemoedig, selfs wanneer hulle Hom in die geheim moet volg.
  • Bid vir die Tunisiese regering en samelewing terwyl die politieke onrus voortduur. Bid dat God die owerhede se harte sal aanraak sodat hulle die goeie in alle mense, insluitende godsdienstige minderhede, sal raaksien. Bid dat die mense teen onstabiliteit beskerm sal word.
  • Bid vir Geopende Deure se vennote in Tunisië, dat hulle bemoedig en versterk sal word om aan te hou om God se werk op moeilike plekke te doen.

Hoe help Geopende Deure Christene in Noord-Afrika?

In samewerking met plaaslike vennote, ondersteun Geopende Deure die Kerk in Noord-Afrika deur leierskap- en dissipelskapopleiding, die verspreiding van Bybelse en Christelike literatuur, lewensbestaan-ondersteuning, traumasorg, noodleniging, regshulp en vroue-ondersteuningsgroepe.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek