skip to Main Content
Streek Wes-Afrika
Christelike bevolking 46.7% Christene in die land
Meederheidsgeloof Christenskap/Islam
2020 Ranglysposisie 12
2019 Ranglysposisie 12

12Nigerië

Nigerië is ’n verdeelde land. Islam oorheers die noorde, waar Boko Haram Christene al vir jare lank terroriseer. Dit sluit ’n aanval in 2018 in waartydens 106 mense vermoor is. Twaalf state in die noorde van Nigerië pas Sjaria- oftewel Islamitiese wetgewing toe. Die suide van die land bestaan hoofsaaklik uit Christene, wat min vervolging ervaar.

Christene in die noorde die Middel-Belt van Nigerië ly onder gewelddadige aanvalle, wat deur militante Islamitiese groepe uitgevoer word. Sulke geweld lei tot lewensverlies en beserings, sowel as ’n verlies aan eiendom. Nog ’n gevolg van die geweld is dat Christene hul grond en lewensbestaan verloor. Ongelukkig het korrupsie die staat verswak, wat meebring dat dit sleg toegerus is om Christene te beskerm teen geweld van groepe soos Boko Haram.

GETUIENIS

“Boko Haram het die dorpies vernietig, kerke afgebrand, huise beroof en mans en vroue vermoor. Ons mense het gevlug en die dorpies verlaat, en die kerk het opgehou bymekaarkom.” – Eerwaarde Marcus van noordelike Nigerië

Sy gemeenskap het onder katastrofiese aanvalle gely, maar niks kon die hoop in hul harte verdryf nie.

“Geopende Deure het hierheen gekom en ’n seminaar oor trauma-genesing aangebied. Hulle het pastore en lede byeengebring, en ons bly bemoedig en onderrig. Geopende Deure het ook kos vir baie mense uitgedeel, want niemand het kos opgegaar gehad nie. Baie mense is as gevolg van hierdie lering bemoedig en versterk om vas te staan, en het teruggekeer kerk toe. Vandag is die kerk vol.”

pray

Bid vir Nigerië

  • Bid vir Fulani-militante, die lede van Boko Haram en ander ekstremiste-groepe. Bid dat God hul harte met die waarheid sal aanraak.
  • Bid vir families wat alles verloor het vir hul geloof in Jesus. Vra die Here om vir hulle te voorsien, ook van maniere om weer ’n bestaan te voer.
  • Die Nigeriese regering word dikwels daarvan beskuldig dat hulle stadig of onwillig is om aanvalle op Christene aan te spreek. Bid vir dapperheid en vrede.

ONS WERK

Geopende Deure werk saam met die plaaslike Kerk om vervolgde Christene in Nigerië te versterk met verskeie programme, wat hulle voorberei op vervolging. Ons voorsien ook noodleniging, traumaberading en toegang tot basiese dienste soos onderrig, mediese sorg en skoon water. Ons sorg ook vir nuwe gelowiges deur dissipelskapopleiding en inkomsteskeppende projekte.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek