skip to Main Content
Streek Suidoos-Asië
Christelike bevolking 7.9% Christene in die land
Meederheidsgeloof Boeddhisme
2020 Ranglysposisie 19
2019 Ranglysposisie 18

19Mianmar

Om van die Boeddhistiese erfenis van Mianmar af te wyk, word as agterdogtig en potensieel gevaarlik beskou. Die radikale Boeddhistiese beweging Ma Ba Tha gaan steeds voort om Boeddhisme te “beskerm” as die land se nasionale godsdiens. Om die geloof van jou stam te versaak, word as verraad gesien en kan lei tot isolasie in die samelewing of huisarres.

Gebiede met ’n hoë persentasie Christene word opsetlik benadeel deur swak infrastruktuur en gesondheidsorg. Die gevolg is dat die meeste Christene baie arm is, veral in landelike gebiede. Hulle word onderrig en werksgeleenthede geweier. In sommige gemeenskappe waar Boeddhisme oorheers, word Christene nie in ag geneem met besluite of vir hulpbronne nie. Sommiges het selfs nie toegang tot water nie. Christen-kinders ervaar diskriminasie deur onderwysers en afknouery van ander kinders. Christene word geteister, gedreig en uit hul tuistes geforseer.

In sommige plekke het radikale Boeddhistiese monnike ook kerkeiendomme aangeval en Boeddhistiese altare op kerkgronde gebou.

GETUIENIS

“Die beste ding is om die veranderde lewens van mense te sien wat aan Christus toegewyd word – om siele te wen. Dit bring groot genot in my lewe . . . ’n vreugde wat ek nie ten volle kan verwoord nie.” – Tun* ’n pastoor van landelike Mianmar

Tun en sy Christelike gemeenskap het baie diskriminasie vir hul geloof ervaar. Hulle word as buitestanders beskou en word vertel dat hulle die “Christen-virus” dra. Ten spyte hiervan bly Tun sy kerk dien en sê hy dat hy daarvan hou om ’n pastoor te wees.

*Naam verander vir sekuriteitsredes

pray

Bid vir Mianmar

  • Bid saam met die Kerk in Mianmar namate hulle voortgaan om die lig van Christus in hul gemeenskappe te wees.
  • Bid dat diegene in armoede vergenoegdheid in Jesus sal hê en dat hul lewens ’n kragtige getuie sal wees vir hul families en gemeenskap.
  • Christen-bekeerlinge ervaar baie druk om hul geloof te versaak. Bid saam met dié gelowiges vir dapperheid te midde van vervolging.

ONS WERK

Geopende Deure versterk vervolgde gelowiges in Mianmar met die hulp van plaaslike vennote deur literatuur-verspreiding, dissipelskapprogramme, pastorale en leiersopleiding, bestaansmiddele, die verryking van families en huwelike, sowel as kinder- en jeugopleiding.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek