• Georganiseerde korrupsie en misdaad
Onlangse nuus
Jou ondersteuning aan die werk
28Niger
Die situasie vir Christene het ná die staatsgreep in Julie 2023 vererger. Daar was vrese dat die land hierdeur oopgestel sou word vir verdere aanvalle deur Islamitiese ekstremiste. Die impak hiervan het regdeur 2024 voortgeduur.
Die jihadistiese groep al-Sunnah wa Jama’ah (ASWJ) het die lewe vir Christene in Niger al hoe moeiliker gemaak. In gebiede onder militante beheer word kerkdienste en ander geleenthede onder die skadu van moontlike geweld of fisiese aanvalle gehou. Die teenwoordigheid van radikale Islamitiese groepe het tot gereelde aanvalle en ontvoerings gelei, wat Christene se vryheid en veiligheid aansienlik beperk. Dit het ook gelei tot ʼn toename in aanvalle op Christelike eiendomme soos kerke, skole en gesondheidsorgsentrums.
Diegene wat Islam verlaat om Jesus te volg, ondervind druk van hul gesinne en die owerhede om hul nuwe geloof te verloën. Die wetlike proses om ʼn kerk te registreer, is moeisaam en uitgerek. Wettige padblokkades word gebruik om te verhoed dat Christene bymekaarkom. Gelowiges kan ook diskriminasie in die openbare sektor ondervind, hulle kry selde werk in plaaslike regeringsdienste en bevorderings word gereeld geweier.
Ontmoet Elisabeth
“Ons staar dag en nag vervolging in die gesig. O God, verlos ons uit hierdie slegte situasie.”
Elisabeth (naam verander) is weens haar geloof deur haar ma vervolg.
Wat doen Geopende Deure om te help?
Geopende Deure werk deur vennote in Niger om vervolgde Christene te versterk deur ekonomiese bemagtigingsprogramme, leierskap- en dissipelskapopleiding, vervolgingsvoorbereidheidsopleiding en pastorale sorg vir nuwe gelowiges.
Bid asseblief
- Bid dat God orde sal bring en ekstremiste sal verhoed om mag of grondgebied oor te neem.
- Bid dat God Christene teen Islamitiese aanvalle sal beskerm.
- Bid vir bekeerlinge uit Islam – veral jongmense – wat verwerping en onderdrukking in die gesig staar.