• Georganiseerde korrupsie en misdaad
Onlangse nuus
27Niger
Verlede jaar se militêre staatsgreep het bygedra tot die toenemende vyandigheid wat talle Christene van regoor Niger ervaar. In Julie 2023 het genl. Abdourahmane Tchiani, hoof van die presidensiële wageenheid, homself tot Niger se nuwe leier verklaar en kommer laat ontstaan dat dit die land sou oopstel vir verdere Islamitiese ekstremiste aanvalle.
In gebiede onder militante beheer word kerkdienste en ander geleenthede in die skadu van moontlike geweld of fisiese aanvalle gehou. Die onstabiliteit in die Sahel-streek dra verder by tot dié kwesbaarheid.
Diegene wat Islam verlaat om Jesus te volg, staan voor die bykomende uitdaging van hul eie gesinne se druk om hul nuwe geloof te verloën. Druk kom ook van die owerhede af en kan waarskynlik in die nabye toekoms toeneem. Gelowiges kan ook in die openbare sektor diskriminasie in die werkplek ondervind. Hulle kry selde werk in plaaslike regeringsdienste en bevorderings word gereeld geweier.
Ontmoet Halima
“Ek wil graag hê jy moet vir my bid. Tans woon ek by ʼn Christen-gesin en ek word goed gevoed. Ek is goed beskerm by die Christen-gesin. Maar ek wil graag hê jy moet vir my bid sodat ek sal volhard in my geloof en dat my ma haar lewe vir Christus sal gee.”
Halima (naam verander), wat weens haar geloof deur haar ma vervolg is.
Wat doen Geopende Deure om te help?
Geopende Deure werk deur vennote in Niger om vervolgde Christene te versterk deur ekonomiese bemagtigingsprogramme, leierskap- en dissipelskapopleiding, vervolgingsvoorbereidheidsopleiding en pastorale sorg vir nuwe gelowiges.
Bid asseblief
- Bid vir stabiliteit ná die militêre staatsgreep en dat ekstremistiese groepe se invloed nie sal toeneem nie.
- Bid vir die beskerming van Christene wat onder die bedreiging van geweld deur Islamitiese militante leef.
- Bid dat gelowiges vanuit ʼn Moslem-agtergrond samesyn met ander gelowiges sal vind.