skip to Main Content
Streek Wes-Afrika
Christelike bevolking 0,3% Christene in die land
Meederheidsgeloof Islam
2020 Ranglysposisie 50
2019 Ranglysposisie Nie op die Wêreldwaarnemingslys nie

50Niger

Niger is tot onlangs van gewelddadige Islamitiese veglus gespaar en die Kerk was nie die hoofteiken nie. In die Wêreldwaarnemingslys se mees onlangse verslagdoeningsperiode het die land egter ’n reeks aanvalle deur militante ervaar. Godsdienstige Moslemleiers van die Izala-groep, ’n radikale Islamitiese groep in die noorde van Nigerië, is aktief in Niger en bedreig Christene se vryheid. Hierdie gewelddadige Islamitiese militante het Niger se president geforseer om vir internasionale hulp te vra. Dié onstabiele, vyandige en onvoorspelbare situasie in die land het Christene in groter gevaar geplaas en hulle meer kwesbaar gemaak.

Christene in grensgebiede onder Islamitiese beheer is verhinder om Christelike bruilofte te vier. Gesamentlike aanbidding en Christelike byeenkomste moet versigtig hanteer word in sulke gebiede oor die bedreiging wat militante groepe inhou.

Christene ervaar diskriminasie in die openbare sektor. Dis raar vir hulle om werk by plaaslike staatsinstansies te kry en hulle word ook dikwels bevorderings ontsê.

GETUIENIS

“Ek het gedink dat vervolging iets is wat op ander plekke gebeur, soos Nigerië, Iran of Egipte. Maar nou besef ek dat dit in mý kamer is, selfs onder my bed.”

– ’n Bywoner van Geopende Deure se Standing Strong Through the Storm-seminaar

Alhoewel Niger ’n redelike stabiele demokratiese regering het en die Kerk in onlangse dekades meestal godsdiensvryheid ervaar het, is vervolging besig om toe te neem. Vandag bly vra die oorweldigende Moslem-meerderheid en eksterne ekstremistiese invloede vir Sjaria-wette om in Niger geïmplementeer te word. Baie Christene is onbewus van die veranderende atmosfeer en weet nie hoe om te reageer nie.

pray

BID VIR NIGER

  • Bid dat die Kerk in Niger die goeie verhouding wat hulle met hul Moslembure het, sal kan handhaaf.
  • Bid vir die Kerk om die Here se vrede, moed en voorsiening te ervaar.
  • Bid vir wysheid vir die regering om te weet hoe om die opkoms van Islamitiese ekstremisme in die land te hanteer.

ONS WERK

Geopende Deure ondersteun Christene in Niger deur plaaslike kerke en vennote. Ons programme sluit in opleiding ter voorbereiding op vervolging, ekonomiese bemagtiging, opleiding vir uitreikaksies na ander kulture en die versorging van nuwe gelowiges, sowel as leierskap- en dissipelskapopleiding.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.

ONLANGSE NUUS

Back To Top
×Close search
Soek