skip to Main Content
Streek Wes-Afrika
Christelike bevolking 74.6% Christene in die land
Meederheidsgeloof Christenskap
2020 Ranglysposisie 25
2019 Ranglysposisie 21

25Sentraal-Afrikaanse Republiek

Sedert 2013 is daar gevegte tussen Seleka (’n ekstremistiese Islamitiese groep) en Anti-Balaka (’n groep wat bestaan uit animiste en nominale Christene). Christene is ’n teiken vir beide groepe. Die Seleka val Christene aan om invloed te werf en hulle soort Islam deur geweld te bevorder, terwyl die Anti-Balaka kerke aanval wat weier om hulle te ondersteun.

Die dodelike konflik het ’n verwoestende uitwerking gehad op die Kerk in die SAR. Christelike leiers wat die geweld in die openbaar veroordeel het, is gedreig en kerkgeboue is afgebrand en geplunder. Die konflik het duisende Christene verplaas wat hul tuistes en bestaansmiddele verloor het – hulle is dikwels geforseer om in vlugtelingkampe te bly.

Behalwe vir die onveiligheid en geweld wat alle Christene beïnvloed, ervaar bekeerlinge tot Christenskap erge vervolging van hul onmiddellike familielede. Die plaaslike gemeenskap verstoot Christen-bekeerlinge en dwing hulle met geweld om hul Christenskap te verloën.

GETUIENIS

“Ek bid dat die Almagtige God die aanvallers sal vergewe, want hulle weet nie wat hulle doen nie.”

– Veronique, ’n weduwee wat haar man in die geweld verloor het

Ten spyte van die voortdurende geweld in die SAR, is daar baie Christene wat dapper getuienisse bly in hul gemeenskappe – soos Veronique, wie se man, pastoor Tokono, vermoor is toe ’n eks-Seleka-groep die dorp Gambo, in die oostelike SAR, aangeval het. “Ek sal voortgaan om te bedien, selfs in my man se afwesigheid, net soos ek gedoen het terwyl hy nog hier was,” sê sy.

pray

Bid vir Sentraal-Afrikaanse Republiek

  • Bid vir wysheid vir pastore terwyl hulle hul gemeentes bedien te midde van geweld en voortdurende bloedvergieting.
  • Bid vir Christene wat geteiken word deur militante en Islamitiese ekstremiste. Bid dat hulle God se vrede sal ervaar, en ook Sy voorsiening te midde van wêreldse chaos en die verlies van besittings.
  • Bid dat Islamitiese ekstremiste wat die Kerk vervolg God se goedheid sal ontdek en dat hul harte verander sal word.

ONS WERK

Geopende Deure ondersteun die Kerk in die Sentraal-Afrikaanse Republiek deur hulle voor te berei op vervolging, uitgebreide dissipelskap, ekonomiese bemagtiging, traumasorg en maatskaplike rehabilitasie.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek