skip to Main Content
Ranglysposisie   31
2021 ranglysposisie   35
Streek   Afrika
Bevolking   5 023 000
Christelike bevolking   3 780 000 (75,3%)
Meederheidsgeloof   Christenskap

31Sentraal-Afrikaanse Republiek

Hoewel driekwart van die Sentraal-Afrikaanse Republiek se bevolking Christene is, is hulle steeds kwesbaar vir vervolging. Die Sentraal-Afrikaanse Republiek is sedert 2013 in konflik en gevegte gewikkel, en die grootste deel van die land word beset deur gewapende militêre groepe wat vir ʼn wye verskeidenheid misbruike van menseregte verantwoordelik is. Toe Christelike leiers die geweld openlik aan die kaak gestel het, is hulle gedreig en hul kerke geplunder en aan die brand gesteek. Konflik in die land het daartoe gelei dat duisende Christene hul huise en lewensbestaan verloor het, en talle bly in kampe vir ontwortelde inheemse mense.

Bekeerlinge na Christenskap ervaar verdere druk van familielede. Vroue en meisies word onder huisarres geplaas om te verhoed dat hulle saam met ander Christene bymekaarkom, of hulle word gedwing om met veel ouer Moslems te trou. Die plaaslike gemeenskap verwerp dikwels Christen-bekeerlinge en probeer ook soms om hulle met geweld te dwing om hul Christenskap prys te gee.

Wat het vanjaar verander? Uiterste geweld heers steeds in die Sentraal-Afrikaanse Republiek, asook aanvalle, wat die druk op Christene op alle vlakke van hul openbare en private lewens laat toeneem. Dit word aangevul deur ʼn verhoging in ontwrigting en teenkanting teen die kerklike lewe. Intussen versleg die humanitêre krisis in die land, wat die lewe selfs nog moeiliker maak vir kwesbare gelowiges.

Ontmoet pastoor Ousman

Ons lot is vir verskeie jare verseël deur Moslem-ekstremiste wat ons op alle vlakke geteister het.

Lede van pastoor Ousman se kerk is deur ʼn Islamitiese rebellegroep aangeval, wat tien mense doodgemaak het en ʼn kerk en sowat 70 huise wat aan Christene behoort afgebrand het.

pray

Bid vir Sentraal-Afrikaanse Republiek

  • Bid dat God blywende vrede en stabiliteit na die Sentraal-Afrikaanse Republiek sal bring.
  • Bid vir beskerming vir Christene wat hul getuienis oor Christus uitleef, veral pastore en hul families wat dikwels die ergste gevaar in die gesig staar.
  • Bid dat God Geopende Deure se vennote sal bemoedig en beskerm terwyl hulle werk om die Kerk toe te rus – terwyl hulle baie van dieselfde risiko’s ervaar.

Hoe help Geopende Deure Christene in die Sentraal-Afrikaanse Republiek?

Geopende Deure werk deur plaaslike vennote om gelowiges in die Sentraal-Afrikaanse Republiek te ondersteun met vervolgingsvoorbereidheid-opleiding, ekonomiese bemagtigingsprojekte en traumasorg.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek