skip to Main Content
Ranglysposisie   37
2021 ranglysposisie   51
Streek   Latyns-Amerika
Bevolking   11 500 000
Christelike bevolking   7 127 000 (62,0%)
Meederheidsgeloof   Christenskap

37Kuba

Kuba word sedert 1959 deur die Kommunistiese Party regeer, wat daarna streef om die Kerk volgens sy ideologie te beheer. Die regering tree hardhandig op teen opposisie en betogers. Wanneer kerkleiers of Christelike aktiviste die regime kritiseer, ervaar hulle arrestasie, die sluiting van hul kerke of ondernemings, tronkstraf, en teistering deur die regering en sy ondersteuners.

Nuwe kerke word dikwels registrasie geweier, aangesien die owerhede die Kerk se invloed wil beheer en beperk – wat baie kerke dwing om onwettig te funksioneer. Dit lei tot die oplegging van strawwe soos die algehele weiering om lisensies uit te reik, swaar boetes, die konfiskering van eiendom, en die afbreking of sluiting van kerke, insluitende huiskerke. Die regering beheer alle media en beperk toegang tot die buitewêreld, wat dit baie moeilik maak vir Christene om vrylik in die land te kommunikeer.

Wat het vanjaar verander? Kuba was verlede jaar net-net nie onder die top 50 lande op die Wêreldwaarnemingslys nie. Die volgehoue styging is die resultaat van hoogs beperkende maatreëls teen kerke, veral nie-geregistreerde Protestantse kerke. Die Covid-19-krisis is as ʼn voorwendsel gebruik om kerke en gemeenskapsaktiwiteite te verhoed.

Ontmoet pastoor Jorge

“Regeringsamptenare het by sommige van die WhatsApp-groepe aangesluit wat die kerke gestig het, en só monitor hulle ons aktiwiteite.”

Pastoor Jorge is ʼn kerkleier in Kuba, wat ernstige kerklike beperkings ervaar.

pray

Bid Vir Kuba

  • Bid dat God verandering in die politieke landskap sal bring sodat godsdiensvryheid in Kuba eerbiedig sal word.
  • Bid vir veerkragtigheid en wysheid vir kerkleiers, sodat kerke ondanks al die beperkings wat hulle moet verduur kan voortgaan om God saam te aanbid.
  • Bid dat God deure vir Geopende Deure se plaaslike vennote sal oopmaak om die vervolgde Kerk in Kuba te dien.

Hoe help Geopende Deure Christene in Kuba?

Geopende Deure se vennote versterk die vervolgde Kerk in Kuba deur Bybelverspreiding, lewensbestaansprojekte, Bybelse opleiding, leierskapontwikkelingsprojekte en sosio-ekonomiese ontwikkeling om hul onafhanklikheid te verhoog.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek