skip to Main Content
Ranglysposisie   9
2021 ranglysposisie   8
Streek   Midde-Ooste
Bevolking   84 308 000
Christelike bevolking   800 000 (Geopende Deure-beraming)
Meederheidsgeloof   Islam

Laai gebedskyfie af

9Iran

Bekeerlinge vanaf Islam na Christenskap ervaar die grootste risiko vir vervolging, veral deur die regering en ook in ʼn mindere mate deur die samelewing en hul eie families. Die regering sien die groei van die Kerk in Iran as ʼn poging deur Westerse lande om Islam en die Islamitiese regime in Iran te ondermyn. Huisgroepe wat uit Moslem-bekeerlinge bestaan word dikwels aangeval, en beide hul leiers en lede word gearresteer, vervolg en lang tronkstraf opgelê vir “misdade teen nasionale sekuriteit”.

Die geskiedkundige gemeenskappe van Armeense en Assiriese Christene word deur die staat erken en beskerm, maar hulle word as tweedeklasburgers behandel en nie toegelaat om kontak te hê met Christene vanuit ʼn Moslem-agtergrond nie.

Wat het vanjaar verander? Ongelukkig kan dinge vererger weens veranderinge aan die land se strafkode, wat godsdiensvryheid verder onderdruk. Volgens die wysigings kan leringe uit die Bybel of om ander meer oor die Christelike geloof te vertel – wat die Islam-leringe weerspreek – tot vervolging lei. Hierdie vae bewoording is oop vir interpretasie, wat Christene meer kwesbaar maak vir onregverdige beskuldigings.

Ontmoet Hamed

“Ek dank God dat Hy my as waardig beskou om hierdie vervolging ter wille van Hom te verduur.”

Hamed is tot tien maande tronkstraf gevonnis vir Christelike aktiwiteite. Hy het geweier om ander Christene te verraai, wat daartoe gelei het dat hy deur die owerhede aangerand is.

pray

Bid vir Iran

  • Bid dat president Raisi die regte en bydraes van Iran se godsdienstige minderhede sal eer.
  • Bid dat God die owerhede se oë sal oopmaak sodat hulle sal sien dat Christene nie ʼn bedreiging vir Iran is nie, maar ʼn waardevolle deel van die Iranse samelewing is.
  • Bid dat die huiskerke sal voortgaan om gelowiges kragtig toe te rus om Jesus te dien.

Hoe help Geopende Deure Christene in die Persiese Golf

Geopende Deure ondersteun die Kerk in die Persiese Golf deur vennote met ʼn aanlyn-bedieningsteenwoordigheid, Christelike multimedia-inisiatiewe en voorspraak.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek