skip to Main Content
Streek Midde-Ooste
Christelike bevolking Minder as 1% Christene in die land
Meederheidsgeloof Islam
2020 Ranglysposisie 9
2019 Ranglysposisie 9

9Iran

Christenskap word as ’n Westerse invloed en ’n bedreiging vir die Islamitiese Republiek van Iran gesien. Alle etniese Perse word as Moslems beskou. Die Iranse gemeenskap word deur Islamitiese wetgewing regeer, wat beteken dat die regte en professionele geleenthede van Christene erg beperk word. In Iran, waarna dikwels verwys word as die poort tot die Midde-Ooste, word Christene verbied om hul geloof met nie-Christene te deel. Weens hierdie rede word kerkdienste in Persies (die nasionale taal) nie toegelaat nie.

Bekeerlinge van Islam ervaar vervolging van die regering. Diegene wat ondergrondse kerke besoek, trotseer die konstante gevaar van arrestasie. Baie Christene moet noodgedwonge uit die land vlug weens die wrede beperkings op hul kerklewe en ander aspekte van hul geloof.

GETUIENIS

“Ek is die vrug van gebed. Ek het die gebede van ander gevoel gedurende my tyd in die tronk. Die belangrikste ding wat jy kan doen, is om te bid.”

– Motjaba van Iran

Motjaba is ’n voormalige Moslem wat tot bekering gekom het. Hy was ’n ondergrondse kerkleier toe hy in die tronk gegooi is vir sy geloof.

pray

Bid vir Iran

  • Bid dat diegene in die tronk of wat oor hul geloof geïsoleerd is nie alleen sal voel nie, maar verbind tot die wêreldwye liggaam van Christus.
  • Bid vir geheime gelowiges wat in huiskerke ontmoet, dat hulle beskerm sal word en getroue getuies sal wees teenoor dié in hul omgewing.
  • Bid dat God die harte van diegene in die regering en in magsposisies sal aanraak sodat hulle meer godsdiensvryheid sal toelaat.

ONS WERK

Geopende Deure ondersteun die Kerk in die Persiessprekende Wêreld deur voorspraak, die verspreiding van Bybels en Christelike literatuur, dissipelskap- en trauma-opleiding, sowel as deur Christelike multimedia-inisiatiewe vir die streek.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek