skip to Main Content
Ranglysposisie   17
2021 ranglysposisie   17
Streek   Asië
Bevolking   1 428 481 000
Christelike bevolking   96 700 000 (Geopende Deure-skatting)
Meederheidsgeloof   Ander

Laai gebedskyfie af

17China

China het die mees onderdrukkende en gesofistikeerde moniteringstelsel ter wêreld. Kerkbywoning word streng gemonitor, en baie kerke word gesluit – ongeag of hulle onafhanklik is of aan die Drie-Self Patriotiese Beweging (die amptelike staatsgesanksioneerde Protestantse Kerk in China) behoort.

Dit bly onwettig vir jeugdiges jonger as 18 jaar om kerk by te woon. Gedurende die Covid-19-krisis is alle vergaderlokale gesluit, maar sommige kerke is gedwing om gesluit te bly en stilweg uitgefaseer toe die beperkings opgehef is.

Christelike leiers is gewoonlik die belangrikste teiken van regeringsmonitering, en ʼn geringe aantal van hulle word ontvoer.

Indien dit ontdek word dat iemand vanaf Islam of Tibettaanse Boeddhisme tot bekering gekom het, sal hulle familie en gemeenskap hulle gewoonlik dreig of mishandel. Bure kan enige Christelike aktiwiteite aan die owerhede of die dorpshoof rapporteer, wat dan aksie sal instel om gelowiges te stop.

Wat het vanjaar verander? Die vervolgingsvlakke in China het effens toegeneem, grootliks omdat Christene toenemende druk vanaf die Chinese owerhede ervaar. Vervolging op ander terreine het amper of heeltemal stabiel gebly.

Ontmoet Herman

Meer as twee dosyn monnike en toegewyde Boeddhiste het hul harte vir Christus gegee.

Herman is ʼn Chinese sendeling in ʼn Boeddhistiese gemeenskap.

pray

Bid vir China

  • Bid dat geloof ondanks die intense monitering in China sal floreer en dat meer mense God se liefde sal ontdek.
  • Bid dat Geopende Deure se plaaslike vennote in staat sal wees om kwesbare Christene met noodsaaklike Christelike literatuur, opleiding en samesyn te bereik.
  • Bid dat die owerhede in China die belangrikheid van godsdienstige vryheid sal erken en die Kerk sal toelaat om sonder beperkings bymekaar te kom en te aanbid.

Hoe help Geopende Deure Christene in China?

Geopende Deure ondersteun gelowiges in China met dissipelskap- en vervolgingsvoorbereidheid-opleiding, en deur geskikte Christelike literatuur aan gelowiges te verskaf wat vanaf Islam of Boeddhisme tot bekering gekom het.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek