• Stamonderdrukking
• Georganiseerde korrupsie en misdaad
Onlangse nuus
3Libië
Libië is steeds ʼn plek met baie min politieke stabiliteit. Groot dele van die land ervaar voortslepende anargie en word deur militante magte regeer. Hulle word met die amptelike regering (in die weste van die land) of die Libiese nasionale weermag (in die ooste) verbind, beide met ʼn sterk Islamitiese invloed. Weens dié wetteloosheid kan Christene maklik met geweld geteiken word en dood in die gesig staar.
Bekeerlinge vanaf Islam staar die mees intense en gewelddadige druk van hul families en gemeenskappe in die gesig. Hulle kan met huisarres, aanvalle, ontvoering, seksuele geweld en moord geteiken word.
Selfs Christene van ander dele van Afrika word deur ekstremistiese groepe geteiken. Christene is ontvoer en in ʼn paar hoëprofiel-voorvalle wreed vermoor. Christene van Afrika suid van die Sahara staar bykomende gevare in die gesig. Hulle kan weens hul gebrek aan amptelike status ontvoer en vir mensehandel gebruik word.
Ontmoet
Dit is té gevaarlik vir enige Libiese gelowige om ʼn aanhaling te deel.
Wat doen Geopende Deure om te help?
Geopende Deure werk saam met plaaslike vennote en kerke in Noord-Afrika om leierskap- en dissipelskapopleiding, regshulp, traumaberading, lewensbestaanondersteuning, Bybels en pastorale sorg te voorsien.
Bid asseblief
- Bid vir stabiliteit en dat die orde in Libië herstel sal word.
- Vra God om migrerende Christene te beskerm sodat hulle teen militante ekstremiste beskerm sal word.
- Bid dat God sy mense sal help om samesyn met mekaar te vind.