skip to Main Content
Ranglysposisie   1
2021 ranglysposisie   2
Streek   Asië
Bevolking   38 914 000
Christelike bevolking   Duisende (Geopende Deure-skatting)
Meederheidsgeloof   Islam

1Afganistan

Dit is onmoontlik om in Afganistan openlik as ʼn Christen te leef. Dit word as ʼn skande beskou om Islam te verlaat, en Christen-bekeerlinge staar ernstige gevolge in die gesig as hul nuwe geloof ontdek word. Hulle moet uit die land vlug of hulle word doodgemaak. Dit was al die wrede werklikheid voor die Taliban-oorname, maar die situasie het die afgelope jaar selfs nog gevaarliker geword vir gelowiges. Die Taliban maak seker dat alle Islamitiese reëls en gebruike geïmplementeer en nagekom word. Christen-bekeerlinge het geen ander opsie as om dit te gehoorsaam nie.

Indien ʼn Christen se nuwe geloof ontdek word, moet hul familie of stam hulle eer red deur die gelowige te verwerp of selfs dood te maak. Dit word wyd gesien as geregtigheid. Aangesien dit as ʼn teken van waansinnigheid beskou word om Islam te verlaat, word ʼn Christen-bekeerling vanaf Islam alternatiewelik gedwing om in ʼn psigiatriese hospitaal opgeneem te word.

Wat het vanjaar verander? Die situasie in Afganistan het verlede jaar hoofopskrifte wêreldwyd gehaal toe die Taliban op 15 Augustus 2021 die hoofstad, Kaboel, ingeneem en regoor die land beheer geneem het. Die risiko van ontdekking het toegeneem sedert die Taliban alle regeringsaspekte beheer.

Ontmoet Sharifullah

“Die Taliban maak ons siel en gees dood.”

Sharifullah is ʼn tradisionele ambagsman in Afganistan. Hy is ʼn geheime gelowige wat sy lewe daaraan wy om ʼn herder te wees vir die mense wat God aan sy sorg toevertrou het.

pray

Bid vir Afganistan

  • Bid vir geheime gelowiges in Afganistan sodat hulle teen die Taliban se geweld beskerm sal word.
  • Bid dat die Taliban se leiers menslike lewens sal eerbiedig en bewaar en dat God hul harte van haat in liefde sal verander.
  • Bid vir Geopende Deure se vennote wat Afgaanse vlugtelinge ondersteun sodat hulle met genade en liefde gevul sal word.

Hoe help Geopende Deure Christene in Afganistan?

Geopende Deure skep gebedsondersteuning vir vervolgde gelowiges in Afganistan.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek