Skip to content
Streek Latyns-Amerika
Christelike bevolking 6 506 000 (95%)
Meederheidsgeloof Christenskap
Vernaamste bedreigings • Diktatoriale paranoia
• Kommunistiese en post-kommunistiese onderdrukking

Totale telling

70%

Druk

72%

Geweld

57%

Onlangse nuus

Elke R150

wat maandeliks gegee word, kan aan die dringendste behoeftes van gelowiges wêreldwyd voldoen.

30Nicaragua

Vyandigheid teenoor Christene in Nicaragua neem steeds toe. Diegene wat uitsprake teen president Ortega en sy regering maak, word as destabiliserende agente beskou.

Dié situasie het sedert 2018 aansienlik versleg met die uitbreek van wydverspreide betogings teen die land se diktatoriale regime. Christene was onder diegene wat hul stem verhef het, maar ʼn hoë prys word hiervoor betaal. Christen-leiers is geteister en gearresteer en daar is beslag op Christelike eiendomme gelê. Christelike skole, TV-stasies en liefdadigheidsorganisasies is ook gesluit en kerke is gemonitor en geïntimideer. Selfs diegene wat tydens die betogings in 2018 skuiling en mediese bystand verskaf het, ervaar jare later steeds vergelding.

Onlangse wetswysigings is gebruik om kerkleiers as terroriste en samesweerders van staatsgrepe te bestempel. Daar is voorstelle gemaak dat die regering kerksake soos tiendes en offergawes wil beheer. Die regering se doel is nie bloot om Christene se stem stil te maak nie, maar gegewe hul invloed op die land, om hul geloofwaardigheid te skend en te keer dat hul boodskap versprei.

Ontmoet pastoor Dario

“Ons klou vas aan God en wy baie tyd aan gebed en evangelisasie. Ons glo dat gebed ons gehelp het om dié vervolging te verduur.”

Pastoor Dario (naam verander), ʼn voormalige ateïs, maar nou ʼn Christen wat die owerhede se vyandigheid ervaar het.

Wat doen Geopende Deure om te help?

Geopende Deure versterk die vervolgde Kerk in Nicaragua deur Christelike literatuur, dissipelskapopleiding, noodlenigingshulp, regsadvies en onderwys te verskaf aan pastore wat nie hul studies voltooi het nie.

Bid asseblief

  • Vra God om die harte van president Ortega en sy regering teenoor Christene te versag.
  • Bid vir wysheid en moed vir kerkleiers wat onder monitering leef en bedien.
  • Bid dat God deur Geopende Deure sal werk om die Kerk te versterk om te volhard.

Teken in om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
Soek