skip to Main Content
Streek Midde-Ooste
Christelike bevolking 0.2% Christene in die land
Meederheidsgeloof Islam
2020 Ranglysposisie 36
2019 Ranglysposisie 26

36Turkye

Die baie sterk godsdienstige nasionalisme wat die Turkse samelewing deurdrenk, plaas groot druk op Christene. In die afgelope jaar het die regering nie Christene in die besonder geteiken nie, maar Turkye se nasionalistiese samelewing laat omtrent geen spasie vir Christene om ’n alternatiewe boodskap te verkondig nie.

Christene vanuit ’n Moslem-agtergrond steek dikwels hul geloof weg, want om Islam te verlaat word as ’n verwerping van die Turkse identiteit, Islam en hul familie gesien. Bekeerlinge van Islam tot Christenskap ervaar teenstand in die samelewing. Christene word as tweedeklasburgers beskou en word fyn dopgehou deur hul familie en die gemeenskap. Hulle kan selfs onder huisarres geplaas word.

Die media se beriggewing rakende Christene is baie eensydig en Christene ervaar gereeld diskriminasie in hul omgang met die owerhede. Sommige Christene word ook valslik beskuldig van misdade wat hulle nie gepleeg het nie. Christene het geen toegang tot staatposte nie en ervaar ook diskriminasie wanneer dit kom by werk in die privaatsektor.

GETUIENIS

“Ek is ’n Christen en ons verwag om vervolg te word.”

– Esther, wat van Iran is en as ’n vlugteling in Turkye leef

Esther en haar gesin het na Turkye gevlug nadat hulle in Iran met tronkstraf gedreig is oor hul geloof in Jesus. Die lewe as ’n vlugteling in Turkye is egter moeilik. Dis moeilik om werk te vind en hulle word gereeld verwerp en soos tweedeklasburgers behandel.

pray

Bid vir Turkye

  • Bid dat die Kerk sterk sal bly, selfs indien vervolging, nasionalisme en ekstremisme toeneem.
  • Bid saam met Christene wat Islam verlaat het om Jesus te volg. Vra die Here om hulle onderskeiding en die regte woorde te gee om hulle families en bure met goedgunstigheid en wysheid te bedien.
  • Bid dat die getrouheid van vervolgde gelowiges hul families na die liefde van Christus sal lei.

ONS WERK

Geopende Deure beywer hulle vir voorbidding vir gelowiges in moeilike omstandighede en vir Turkye oor die algemeen.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek