45Turkye

Die sterk gevoel van nasionalisme wat tans in Turkye heers, het tot gevolg dat jy ʼn Moslem moet wees om as ʼn lojale Turk gesien te word. Dit plaas aansienlike sosiale druk op Turkse Christene.

Alhoewel die Christendom ʼn baie lang geskiedenis in die land het, word dit steeds selfs deur gematigde Moslems en trotse sekulêre Turke as ʼn negatiewe Westerse invloed gesien. Dit is nie onwettig om Islam te verlaat en ʼn Christen te word nie, maar die meeste mense wat tot bekering kom ondervind sterk druk van hul gesinne om van plan te verander. Hulle kan gedreig word met egskeiding, verlies van hulle erfporsie en selfs totale ontkenning.

Christene in Turkye ondervind daaglikse diskriminasie op grond van hul geloof. Buitelandse Christene met Turkse eggenote en kinders word verbied om die land binne te gaan of terug te keer. ʼn Persoon se godsdienstige affiliasie word op sy Turkse ID-kaart aangeteken, wat dit maklik maak om teen Christene te diskrimineer wat vir werk aansoek doen.

Selfs Griekse en Armeense Christene wat deel is van tradisionele kerke, word nie as volle lede van die Turkse samelewing beskou nie. Hulle kerke sukkel met wetlike struikelblokke en rompslomp wat ten doel het om die beoefening van hul geloof moeilik te maak.

Ontmoet Mahmood

“Dit was ʼn ondraaglike en onuithoubare tydperk vir ons. En ons voel nou dat God ons ʼn tweede kans gegee het. Só kan ons Hom beter leer ken en leef volgens wat Hy regtig wil hê.”

Mahmood (naam verander), oor hoe die aardbewing in Februarie 2023 hul geloof versterk het.

Wat doen Geopende Deure om te help?

Geopende Deure bied gebedsondersteuning vir vervolgde gelowiges in Turkye. Persiessprekende vlugteling-gelowiges word deur plaaslike vennote met opleiding, hulpbronne en praktiese ondersteuning ondersteun.