15Maledive

Die Maledive word as ʼn 100% Sunni-Moslemland beskou, so enige afwyking word ernstig opgeneem. Geen godsdienstige minderhede word deur die staat erken nie, en elke burger word as ʼn Moslem gesien – Christen-bekeerlinge moet Jesus daarom in die grootste geheimhouding volg. Indien hul geloof ontdek word, sal dit waarskynlik aan die owerhede gerapporteer word en kan hulle van hul burgerskap ontneem word of die doodstraf kry.

Selfs buitelandse Christene wat in die toerismebedryf werk, word fyn dopgehou – hulle kan slegs op ʼn private plek vir aanbidding of troues ontmoet en mag nie hul geloof met plaaslike burgers bespreek nie. Indien hulle dit doen, kan hulle beboet, gedeporteer of gevange geneem word.

Die Maledive bestaan uit baie hegte gemeenskappe, wat dit baie moeilik maak om in die geheim met enigiemand te praat of hulle te ontmoet. Die Christelike geloof moet só privaat gehou word dat twee lede van dieselfde gesin gelowiges kan wees sonder dat hulle van mekaar se geloof weet. Wedersydse bemoediging en samesyn is ʼn reuse uitdaging, en baie Christene – en lede van ander godsdienstige minderhede – sal ʼn poging aanwend om weg te gaan en ʼn nuwe lewe oorsee te begin.