skip to Main Content
Streek Suidoos-Asië
Christelike bevolking 3.2% Christene in die land
Meederheidsgeloof Boeddhisme
2020 Ranglysposisie 20
2019 Ranglysposisie 19

20Laos

Laos is een van die wêreld se armste lande waar die Kommunisme weer sterk wortelskiet. Die owerhede hou alle godsdienstige aktiwiteite fyn dop, insluitende geregistreerde Christelike kerke. Terwyl Boeddhisme aanvaar word as deel van die land se nasionale erfenis, word ander gelowe as ’n bedreiging beskou. Christenskap word as ’n Westerse ideologie gesien en daarom vyandig benader.

Christene moet baie versigtig wees om in die goeie boekies van die Kommunistiese owerhede te bly. Huiskerke word as “onwettig” geag en moet in die geheim bedryf word.

Nuwe bekeerlinge tot Christenskap ervaar die ergste vorme van vervolging. Om Boeddhisme of animistiese stamgelowe te versaak, word deur familielede en die gemeenskap as verraad beskou. Hulle kom onder verdenking en word fyn dopgehou. Soms word nuwe Christene selfs uit hul tuistes verban en moet hulle noodgedwonge vir maande of selfs jare in die oerwoud lewe voordat hulle weer ’n veilige hawe vind.

GETUIENIS

“As God, volgens Sy wil, my toelaat om te sterf, is ek gereed om my lewe neer te lê vir Jesus.” – Beun*, ’n Christen van Laos

Beun was vyf maande in die tronk vir die verkondiging van die Evangelie. Hy is in ’n klein sel aangehou saam met 21 ander mense. Sy tyd in die tronk het egter sy geloof versterk. Na sy vrylating het hy die liefde van Jesus bly deel met ander. Vandag verkondig hy steeds die Evangelie in Laos. Hy het met vyf dissipels begin en bedien nou amper 50 mense. Alle glorie aan God!

*Name change for security reasons.

pray

Bid vir Laos

  • Bid vir Christene in Laos om moedig te wees in die verkondiging van hul geloof, ten spyte van die druk wat hulle moet verduur vanaf die regering en gemeenskap.
  • Bid vir nuwe gelowiges om sterk te staan in Christus en vas te hou aan Sy beloftes.
  • Bid vir onderskeiding vir Christene in hul getuienis teenoor hul Boeddhistiese bure en familie. Bid dat hul pogings verwelkom sal word.

ONS WERK

Geopende Deure versterk vervolgde gelowiges in Laos deur voorspraak, noodleniging, die voorsiening van Christelike materiaal, leiersopleiding en dissipelskapprogramme.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek