20Mauritanië

Mauritanië laat nie godsdiensvryheid toe nie; dit is onwettig om Islam te verlaat en ʼn ander geloof te volg. Bekeerlinge van Islam na Christenskap staar baie ernstige druk van hul gemeenskappe in die gesig omdat daar gereken word hulle skande oor die familie bring, en hulle sal waarskynlik verwerp en aangerand word. Christene wat hul geloof openbaar maak, kan in ʼn godsdienstige hof van afvalligheid aangekla word, of hulle kan deur die owerhede van terrorisme of kubermisdaad-oortredings aangekla word. Christene is al aangehou en vervolg vir “ondermyning van nasionale veiligheid deur Islam te beledig en Mauritanië se heilige beginsels te bedreig”.

Dit is baie moeilik vir Christene om bymekaar te kom of saam te aanbid, en dis feitlik onmoontlik vir gelowiges wat vanaf Islam tot bekering gekom het. Selfs buitelandse burgers wat Christelike byeenkomste hou, kan daarvan beskuldig word dat hulle onder plaaslike Moslems evangeliseer – waarvoor hulle aangekla kan word.

Intussen is gewelddadige Islamitiese ekstremistiese groepe, insluitende ʼn vertakking van al-Qaeda, aktief in die oostelike grensgebiede van die land, wat ʼn gevaar inhou vir enige Christene wat daar ontdek word.