23Mauritanië

Mauritanië is sterk Islamities en Christelike aktiwiteite word streng beperk. Dit maak dit moeilik vir Christene om hul geloof uit te leef. Dit is amper onmoontlik vir diegene wat vanuit Islam tot bekering kom om hul geloof uit te leef.

Christenskap word as ʼn negatiewe Westerse invloed beskou en Christen-bekeerlinge staar ernstige vyandigheid van beide die owerhede en hul gesinne in die gesig. Afvalligheid van Islam is wetlik strafbaar met die dood. Alhoewel daar in die afgelope jare geen gevalle van doodstraf gerapporteer is nie, bly dit steeds ʼn bedreiging.

Bekeerlinge loop die risiko om uit hul huisgesin verban te word en hul lewensbestaan te verloor. Hulle kan selfs gedwing word om die land te verlaat. Die teenwoordigheid van Islamitiese ekstremistiese groepe is ook ʼn bedreiging vir diegene wat Islam verlaat. Die doop kan slegs in die geheim bedien word, maar baie bekeerlinge is huiwerig om dit te doen uit vrees vir die verskriklike gevolge daarvan as iemand daarvan hoor.

Hoewel besoekende of migrerende Christene uit Westerse lande grootliks met rus gelaat word, is evangelisasie streng verbode en kan dit tot vervolging lei. Christelike aktiwiteite word beperk tot aangewese plekke van aanbidding. Die meeste Christene in Mauritanië kom van sub-Sahara Afrika af en kan as gevolg van beide rasse- en geloofsgebaseerde diskriminasie onreg beleef wanneer hulle vir ʼn werk aansoek doen.

Wat doen Geopende Deure om te help?

Geopende Deure werk saam met plaaslike vennote en kerke in Noord-Afrika om leierskap- en dissipelskapopleiding, regshulp, traumaberading, lewensbestaanondersteuning, Bybels en pastorale sorg te voorsien.