skip to Main Content
Ranglysposisie   27
2021 ranglysposisie   27
Streek   Midde-Ooste/Noord-Afrika
Bevolking   37 498 000
Christelike bevolking   31 400 (0,1%)
Meederheidsgeloof   Islam

27Marokko

Artikel 220 van Marokko se strafregtelike kode kriminaliseer dit om “ʼn Moslem se geloof te laat wankel”. Die wet skep ʼn risiko vir talle Christene, beide vanaf Marokko en buitelanders, wat met ander oor hul geloof praat om gearresteer te word en kriminele vervolging in die gesig te staar. Mense wat vir Christelike regte voorspraak maak, word ook weens hul aktiwiteite deur die Marokkaanse regering geteiken en gedreig met gewelddadige aanvalle deur Islamitiese ekstremiste. Hoewel slegs proselitisering volgens die wet strafbaar is, kan Marokkaanse bekeerlinge na die Christendom op ander maniere gestraf word, soos om hul erfregte en toesig oor hul kinders te verloor.

Wat het vanjaar verander? Die vooruitsigte vir Christene in Marokko het vanjaar versleg. Druk het op alle terreine toegeneem en geweld het ook vererger omdat verskeie gelowiges gedwing is om die land gedurende die rapporteringstydperk te verlaat. Die lewe bly uiters moeilik vir Christene in Marokko.

Ontmoet Nadeen

“My pa sal my doodmaak as hy uitvind,” sê Nadeen. En sy bedoel dit letterlik.”

Nadeen, ʼn jong gelowige wat aangerand is omdat sy ʼn Christen geword en haar familie in die skande gesteek het. Sy het gemaak asof sy na Islam terugkeer om die vrede in haar familie te bewaar. Maar sy hou steeds aan om in die geheim in Jesus te glo. Sy kom op ʼn ander dag as Sondae saam met ander gelowiges bymekaar om verdere straf te vermy.

pray

Bid Vir Marokko

  • Bid vir geïsoleerde gelowiges in Marokko wat alleen staan in hul geloof om die risiko van huisarres, fisiese aanvalle, arrestasie en tronkstraf te vermy. Vra die Here om Sy mense nader aan Hom te trek en hul harte met die wete van Sy teenwoordigheid en liefde te vul.
  • Bid vir verdraagsaamheid teenoor ander gelowe as Islam in die Marokkaanse samelewing, met vryheid om bymekaar te kom en gemeentes te versterk sodat dit die land as geheel kan bevoordeel.
  • Vra God om ons plaaslike vennote in Marokko te lei en te beskerm wanneer hulle na gelowiges uitreik wat deur hul Moslem-families of gemeenskappe verwerp word.

Hoe help Geopende Deure Christene in Noord-Afrika?

In samewerking met plaaslike vennote, ondersteun Geopende Deure die Kerk in Noord-Afrika deur leierskap- en dissipelskapopleiding, die verspreiding van Bybelse en Christelike literatuur, lewensbestaanondersteuning, traumasorg, noodleniging, regshulp en vroue-ondersteuningsgroepe.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek