29Marokko

Wanneer Christene in Noord-Afrika hul geloof met ander deel, staar hulle arrestasie en vervolging in die gesig. Met hierdie regskennis ervaar Marokkaanse bekeerlinge vanaf Islam tot die Christendom intensiewe druk, privaat en in die openbaar, om hul geloof te verloën.

Bekeerlinge word met die verlies van erfenisregte en toesig oor hul kinders gestraf. In sommige gevalle word Christene gearresteer en beboet vir niks meer as om met ʼn Bybel in hul besit betrap te word nie, of omdat hulle die Christelike geloof met ʼn Moslem bespreek het.

Christene staar die bedreiging van geweld weens hul geloof in die gesig, met Islamitiese ekstremiste wat in die gebied werksaam is. In die openbare sfeer word hulle die teikens van regeringsondervraging, aanrandings of tronkstraf. In die werksplek kan hulle deur kollegas geteister word en selfs weens hul geloof hul werk verloor. As hulle geloof bekend raak, word daar gediskrimineer teen baie Christene wat werk soek en om werk te kry, word byna onmoontlik.

Die verspreiding van Christelike hulpbronne word beperk. Indien hulle met ʼn Bybel betrap word, kan Christene aan teistering, aanrandings of selfs tronkstraf blootgestel word. Selfs aanlyn ervaar Christene teistering in die kuberruim weens hul geloof. Gesinsdruk en die samelewing kan hulle tot isolasie of hervestiging dwing.