skip to Main Content
Ranglysposisie   18
2021 ranglysposisie   29
Streek   Arabiese skiereiland
Bevolking   2 840 000
Christelike bevolking   372 000 (13,1%)
Meederheidsgeloof   Islam

Laai gebedskyfie af

18Katar

Christene in Katar is hoofsaaklik vreemdelinge wat buitelandse werkers is. Hierdie buitelandse Christene is baie vryer om hul geloof in Katar uit te leef as die land se burgers, maar hulle ervaar ook druk. Verder word buitelandse kerke deur die regering gemonitor en tot spesifieke gebiede beperk.

ʼn Klein aantal inheemse bekeerlinge vorm die ander groep Christene in Katar. Hierdie gelowiges ervaar uiterste druk vanaf hul Moslem-families en gemeenskappe. Die land erken bekering vanaf Islam nie amptelik nie, wat wetlike probleme en ʼn verlies van status, kindertoesig en eiendom veroorsaak. Buitelandse bekeerlinge vanaf Islam kan druk vermy deur by ʼn meer internasionale gemeenskap aan te sluit, maar die slotsom is dat beide inheemse en buitelandse bekeerlinge in Katar diskriminasie, teistering en polisiemonitering weens hul geloof kan ervaar.

Wat het vanjaar verander? Katar het sedert verlede jaar elf plekke op die Wêreldwaarnemingslys gestyg. Geweld teen Christene het skerp toegeneem omdat baie kerke ná die Covid-19-beperkings gedwing is om gesluit te bly. Verdere druk wat gelowiges in Katar ervaar, is intens en ʼn daaglikse las op die skouers van diegene wat Jesus volg.

Ontmoet pastoor Samuel

“In hierdie Moslem-land mag ons nie te openlik evangeliseer nie. Niemand kan ons egter verhoed om met ons medewerkers te praat en in ons daaglikse lewens teenoor hulle te getuig nie. God gee ons elke dag geleenthede om Sy liefde aan ander te wys.”

Pastoor Samuel, ʼn predikant wat buitelanders in Katar bedien.

pray

Bid Vir Katar

  • Bid vir die buitelandse Christene in Katar. Bid dat hulle beskerm sal word teen die brutale en neerhalende behandeling wat baie buitelandse werkers in Katar ervaar. Vra God om Sy mense te beskerm en te bewaar.
  • Enige inheemse burger van Katar wat homself na Christenskap bekeer, moet dit in groot geheimhouding doen om die risiko van intense vervolging deur hul families en die samelewing te verhoed. Bid dat hierdie gelowiges sal weet dat hulle nie alleen is nie, en vra God om hulle te herinner dat Hy daar en in beheer is.
  • Bid vir die monargie in Katar. Vra dat God die Emir en sy regering se harte sal versag, en dat hulle hul harte sal oopmaak vir die waarheid oor Jesus se liefde en genade.

Hoe help Geopende Deure Christene in die Arabiese Skiereiland?

Geopende Deure ondersteun die Liggaam van Christus regoor die Arabiese Skiereiland met gebed, die verspreiding van Bybelse hulpbronne en die opleiding van gelowiges en pastore. Om die mense wat betrokke is te beskerm, word geen gedetailleerde inligting oor hierdie programme bekendgemaak nie.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek