40Katar

Daar is twee kategorieë Christelike gemeenskappe in Katar teenwoordig– uitgewekenes en bekeerlinge vanaf Islam. Hulle staan apart van mekaar en moet baie versigtig ten opsigte van onderlinge beïnvloeding wees.

Die meeste Christene is uitgewekene gelowiges en trekarbeiders wat ʼn mate van godsdiensvryheid geniet. Groot aanbiddingsgeleenthede is in die verlede toegelaat, maar ʼn tekort aan ruimte vir kerke is ʼn wesenlike probleem. Slegs ʼn uitgesoekte aantal mense word toegelaat om geboue by die amptelike Godsdienskompleks, buite die hoofstad Doha, te vestig. Buitelandse Christene moet egter baie versigtig wees wanneer hulle hul geloof deel, aangesien die evangelisering van Moslems streng verbode is en tot vervolging en deportasie kan lei.

Bekeerlinge uit beide ʼn Katarese en migrante-agtergrond kan intense druk van hul gesinne en gemeenskappe ondervind weens hul keuse om Jesus te volg. Laasgenoemde kan vermy word deur binne ʼn internasionale gemeenskap, eerder as hul eie etniese groep, te funksioneer. Vir Katarese is bekering vanaf Islam verbode en diegene wat as Moslems bekendstaan, word nie eers toegelaat om ʼn kerk binne te gaan nie.

Ontmoet ‘n kerkleier

“Ons sien reeds die beweging van die Heilige Gees in Katar. God besoek mense in hul drome. God doen wonderwerke. God doen genesings onder die Katarese mense.”

ʼn Kerkleier van Katar.

Wat doen Geopende Deure om te help?

Geopende Deure ondersteun die Liggaam van Christus op die Arabiese Skiereiland deur gebede te organiseer, Skrif-hulpbronne te versprei en gelowiges en pastore op te lei.