40Egipte

Christene in Egipte staar dikwels diskriminasie deur hul gemeenskappe in die gesig. Christen-vroue word in die strate geteister, veral in plattelandse gebiede, en Christen-kinders word by die skool afgeknou. Moslem-skares dwing Christene soms om hul huise te verlaat wanneer hulle van Godslastering aangekla word. Hierdie insidente gebeur meestal in Bo-Egipte, waar die radikale Islamitiese groepe die aktiefste is. Hoewel die Salafi al-Nour-party ʼn godsdienstige party is, funksioneer hulle wettig en oefen ʼn sterk invloed op die arm, landelike gebiede uit.

Egipte se president El-Sisi praat positief oor Christene en probeer om eenheid te bewerkstellig, maar die plaaslike owerhede slaag dikwels nie daarin om Christene van aanvalle te beskerm nie. Dit is moeilik om nuwe kerke in sekere dele van Egipte te bou en Christene ervaar vyandigheid en geweld deur hul gemeenskappe.

Christen-bekeerlinge vanuit Islam kan verder ook ernstige druk van hul families ervaar om na hul ou geloof terug te keer. Sekuriteitsdienste kan bekeerlinge aanhou en intimideer, wat dit moeilik maak om openlik as ʼn Christen te leef.

Ontmoet Julie

“My onderwysers en klasmaats het my al baie gespot dat Christene mal is omdat ons volgens hulle drie gode aanbid. ʼn Moslem-klasmaat het een keer vir my gesê dat sy my gaan doodmaak omdat ek ʼn Christen is.”

Julie (naam verander) is ʼn Christen-meisie in Egipte.

Wat doen Geopende Deure om te help?

Geopende Deure werk deur plaaslike vennote in Egipte om die Kerk regdeur die land te ondersteun met geletterdheidsopleiding, onderwysondersteuning, voorspraak, mediese uitreiking en jeug-, gesins- en vrouebedienings.