skip to Main Content
Ranglysposisie   2
2021 ranglysposisie   1
Streek   Asië
Bevolking   25 951 000
Christelike bevolking   400 000 (Geopende Deure-skatting)
Meederheidsgeloof   Agnostisisme

2Noord-Korea

Noord-Korea is al vir meer as 20 jaar bo-aan of naby aan die boonste posisie op die Wêreldwaarnemingslys. Enige Noord-Koreaan wat gevang word dat hy Jesus volg, is in onmiddellike gevaar vir tronkstraf, brutale marteling of die dood. ʼn Beraamde 50 000 tot 70 000 Christene word in Noord-Korea se berugte tronke en arbeidskampe gevange gehou — dikwels wag dieselfde lot op die persoon wat gevang word se familie.

Die regering, wat deur die Kim-familie beheer word, beskou Christene as die gevaarlikste politieke groepering van mense, en die vervolging is gewelddadig en intens. Noord-Koreaanse ouers steek dikwels hul geloof vir hul kinders weg, kerke bestaan slegs uit ʼn paar mense en aanbidding vind grootliks in die geheim plaas. Christene in Noord-Korea se lewens is ʼn konstante drukketel; slegs een fout kan tot gevangeneskap of die dood lei.

Wat het vanjaar verander? Weens die regering se sluiting van alle grense as ʼn voorkomingsmaatreël teen Covid-19 is Christene onder nog meer druk. Die beperkte vermoë van sommige gelowiges om na China te ontsnap vir hulp met voedsel en medisyne raak ook al moeiliker.

Ontmoet Bae

“Uit ander mense se perspektief lyk ons lewe van swaarkry waarskynlik soos ʼn vervloekte lewe. Hierdie swaarkry is egter ʼn seëning van ons Vader, wat dit in ons lewens toelaat omdat dit ʼn kortpad na Hom is. Hy ken ons swaarkry en luister na ons gebede. Ons dank ons Vader, wat sulke groot dinge doen om ons vir ons lewe voor te berei.”

Bae, ʼn Christen wat in Noord-Korea bly.

pray

Bid vir Noord-Korea:

  • Bid vir Christene wat in die geheim aanbid, Christene wat in die tronk is, en die families van Christene wat gearresteer of doodgemaak is. Vra God om by hulle te wees en om hulle te versterk om hoop te vind en te sien hoe Sy hand in hul lewens werk.
  • Bid vir die hart van Kim Jong-Un en die ander leiers van die Noord-Koreaanse regime. Die Kim-familie regeer al baie lank en is brutaal gekant teen God se mense. Bid vir ʼn hartsverandering sodat Kim die prag van die Evangelie en Jesus se liefde vir hom sal sien.
  • Geopende Deure se netwerke in China is noodsaaklik om die Noord-Koreaanse Kerk aan die gang te hou – baie Christene wat na skuilhuise in China vlug, keer terug huis toe, toegerus om die Evangelie te versprei. Bid vir die sukses en veiligheid van hierdie skuilhuise, en vir die reise van Noord-Koreaanse Christene wat die gevaarlike tog ná en van China aandurf.

Hoe help Geopende Deure Christene in Noord-Korea?

Deur ons netwerke in China, help Geopende Deure vervolgde Noord-Koreaanse gelowiges met noodleniging (voedsel, medisyne, klere ens.), Bybels, dissipelskapmateriaal en opleiding, wêreldwye gebedsondersteuning en meer. Geopende Deure verskaf ook dissipelskap deur radio-uitsendings in ander lande wat (onwettig) in Noord-Korea beskikbaar is.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek