skip to Main Content
Streek Oos- en Suidoos-Asië
Christelike bevolking 1,2% Christene in die land
Meederheidsgeloof Ateïsme/Tradisionele gelowe
2020 Ranglysposisie 1
2019 Ranglysposisie 1

1Noord-Korea

Noord-Korea word sedert 2002 gelys as die moeilikste land vir Christene om in te leef. Hier word Christene as vyande van die staat geag omdat hulle dit waag om in ’n hoër outoriteit te glo as die Kim-familie, wat absolute trou en gehoorsaamheid vereis. Die Kim-familie word verafgod. Foto’s van die Kim-familie moet in alle huise en skole opgehang word, en die eerste woorde wat ouers hul kinders moet leer, is: “Dankie, Vader Kim Il-sung.”

Indien Christene ontdek word, word hulle na arbeidskampe gestuur as politiese misdadigers of selfs summier doodgemaak. Hul families ontvang dieselfde straf. Weens hierdie rede deel die meeste Christene nie hul geloof met hul kinders totdat hulle ouer tieners is nie, uit vrees dat hulle iets sal kwytraak.

GETUIENIS

“In die winter is alles gevries en daar is niks om te eet nie. Behalwe vir dit, moet ons addisionele belastings betaal. Dit sluit fooie in ten bate van nasionale konstruksie en die weermag, asook ’n patriotiese kosinsamelingsfooi, ten spyte daarvan dat die regering te min rantsoene gee. Die mense in ons provinsie ly erg honger. Die meeste mense is ondervoed. Boonop kan ons nie ons stowe vir hitte gebruik nie, want daar is geen vuurmaakhout nie.”

– ’n Christen van Noord-Korea

Sonder die ondersteuning van Geopende Deure en ons getroue vennote sal baie Christene in Noord-Korea van die honger omkom.

pray

Bid vir Noord-Korea:

  • Bid vir die beskerming van Christene wat deur die staat vervolg word en hul nie-Christelike familie, vriende en bure.
  • Bid vir krag en moed onder Christene wat swaarkryin tronke, arbeidskampe en afgeleë gebiede.
  • Bid dat God die ondergrondse Kerk in Noord-Korea sal voorberei om ’n lig in die land te wees – en dat hulle gereed sal wees om spoedig die Evangelie sonder beperkings te verkondig.

ONS WERK

Geopende Deure se werk in Noord-Korea behels noodleniging (kos, medisyne, klere, ens.) aan vervolgde gelowiges, die verspreiding van boeke en ander Christelike materiaal, opleiding deur radio-uitsendings, asook opleiding en opleidingsmateriaal aan Noord-Koreaanse gelowiges in China.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek