skip to Main Content
Streek Noord-Afrika
Christelike bevolking 4,6% Christene in die land
Meederheidsgeloof Islam
2020 Ranglysposisie 7
2019 Ranglysposisie 6

7Soedan

Histories is Islam diep gewortel in Soedan se samelewing en die regerende elite beoog om ’n Islamitiese staatsbestel in die land af te dwing. Die staat plaas swaar beperkings op vryheid van spraak en persvryheid. Christene ervaar konstante diskriminasie en druk. Verder is verskeie kerkgeboue gesloop, wat sommige Christene sonder ’n plek van aanbidding gelaat het.

Alle Christelike gemeenskappe in Soedan is bang om gesprekke oor hul geloof met Soedannese Moslems te voer, want dan loop hulle die gevaar van arrestasie en intimidasie. Die vlak van vervolging wat bekeerlinge en etniese Afrikane ervaar, is ontsaglik. In gebiede soos die Nuba-berge, waar daar voortdurende konflik tussen die regeringsmagte en rebellegroepe is, word baie Christene blindelings aangeval.

GETUIENIS

“Ek is vasberade om die Here te bly vertrou, selfs al is dinge onseker.”

– Seida* van Soedan

Seida is ’n weduwee in haar vyftigs, wat druk vanaf haar familie ervaar om Jesus te verloën en terug te keer na Islam. Geopende Deure werk deur plaaslike vennote in Soedan om weduwees soos Seida te help met kos, werksvaardighede en geestelike bystand.

*Naam verander vir sekuriteitsredes.

pray

Bid vir Soedan:

  • Vra God om in die harte van Soedannese regeringsleiers te werk. Mag Hy hulle oortuig om geregtigheid en vrede na te jaag deur die krag van die Heilige Gees.
  • Bid vir geleenthede vir Christene om plekke van aanbidding te hê, sonder die vrees dat dit afgebreek sal word.
  • Bid dat God ons broers en susters in die Nuba-berge sal beskerm en vir hulle sal voorsien

ONS WERK

Geopende Deure rus kerkleiers in Soedan deur vennootskappe met die plaaslike Kerk toe vir verskeie aspekte van die bediening. Die omvang van die werk deur die plaaslike Kerk in Soedan sluit in verskeie verspreidingsprojekte, dissipelskapopleiding, Standing Strong Through the Storm-opleiding, traumabediening, teologiese opleiding en verskeie projekte vir gemeenskapsontwikkeling.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek