skip to Main Content
Ranglysposisie   13
2021 ranglysposisie   13
Streek   Afrika
Bevolking   44 592 000
Christelike bevolking   1 984 000 (4,4%)
Meederheidsgeloof   Islam

13Soedan

Sedert die 2019-staatsgreep waarin Omar al-Bashir verdryf is, het die situasie vir Soedanese Christene ietwat verbeter met die regering wat sy beleid, waarvolgens Christene as die vyand en agente van die Weste gesien word, verander. Die sosiale houding teenoor Christene het egter nie verander nie, veral buite Khartoem. Hier is die kultuur en omliggende samelewing steeds grotendeels Moslems en agterdogtig oor enige ander geloof. Die regering het ook nie werklik beskerming vir Christene en ander godsdienstige minderhede ingestel nie. Selfs met die verandering in amptelike status, is gekonfiskeerde kerke en grond nog nie aan hul Christen-eienaars terugbesorg nie; en dit is steeds uiters moeilik om nuwe kerke te probeer bou. Boonop is daar ook nog steeds hoëvlak militêre leiers wat hervorming vertraag.

Wat het vanjaar verander? Vervolging bly ontsettend hoog in Soedan en het weinig verander sedert verlede jaar. Kerke word afgebrand, en Christene is volgens berigte gedurende die Wêreldwaarnemingslys-rapporteringstydperk aangerand of aangeval. Voortslepende etniese geweld in die Darfoer-omgewing wek ook kommer onder waarnemers, wat wonder of die oorgangsregering werklik minderhede kan beskerm.

Ontmoet Abdul

“Daar is baie kerke wat aan die begin van die huidige oorgangsregering meer as vyf jaar gelede en ander wat twee jaar gelede aansoek gedoen het om te bou, met die hoop om gelyke behandeling as Moslems te ontvang. Die minister van godsdienstige sake het op die televisie en tydens ander byeenkomste gepraat, waar hy gesê het dat Christene in staat sal wees om nuwe kerke te bou. Daar is egter altyd teenstrydighede tussen sy woorde en die regte lewe.”

Abdul, ʼn Christen in Soedan.

pray

Bid vir Soedan

  • Ná die val van die vorige diktator het die oorgangsregering opwindende veranderinge aan die wetlike raamwerk wat die lewe in Soedan beheer, voorgestel. Maar soos wat die politieke situasie in Soedan steeds wisselvallig bly, bid dat hierdie veranderinge geïmplementeer sal word en op laer regeringsvlakke en in die samelewing in geheel gerespekteer sal word.
  • Christene, veral diegene wat vanaf Islam bekeer is, ervaar steeds baie uitdagings. Hulle word as tweedeklasburgers behandel en deur familie en die samelewing opsy gestoot. In sommige gebiede is hulle kwesbaar vir geteikende geweld. Bid dat hulle te midde van hierdie uitdagings sal aanhou groei in hul geloof en in staat sal wees om moedig met ander te praat oor die redding wat slegs in Christus gevind kan word.
  • Geopende Deure se visie vir Soedan is om ʼn veerkragtige Kerk te sien wat sterk staan te midde van vervolging en ekonomies bemagtig word om hulself te onderhou. Bid vir die beskerming van ons vennote en dat hul werk groot vrug sal dra.

Hoe help Geopende Deure Christene in Soedan?

Deur vennootskappe met die plaaslike Kerk, rus Geopende Deure kerkleiers in Soedan toe vir verskeie aspekte van bediening, word gemeenskapsontwikkeling ondersteun en word praktiese bystand aan vervolgde Christene gelewer.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

Back To Top
×Close search
Soek