48Broenei
Bekeerlinge vanuit Islam staar aansienlike druk in die gesig omdat bekering strafbaar is deur die gereg. Alles sal gedoen word om bekeerlinge na hul oorspronklike geloof te laat terugkeer. Nie-tradisionele Christen-gemeenskappe kan nie as kerke registreer nie, maar moet as maatskappye, verenigings of familiesentrums registreer. Hulle word as gevolg hiervan as sekulêre organisasies hanteer en daar word van hulle vereis om hul finansiële en operasionele verslae elke jaar by die regering in te dien.
Die hele gemeenskap (insluitend Christene) word deur die voortgesette bekendstelling van die Islamitiese Sharia-wetgewing beïnvloed.
Jongmense word veral deur die verpligtende godsdiensopvoeding van kinders beïnvloed. Die verandering in wetgewing wat in Oktober 2023 aangekondig is, vereis dat godsdiensopvoeding deel van kinders so jonk as drie jaar oud se algemene studies is (The Star Maleisië, 25 Oktober 2023). Hierdie wetgewing versterk die leringe van die meerderheidsgeloof.
Ontmoet Lina
“By my universiteit moet al die vroue ʼn hijab dra, ongeag wat jou geloof is. Selfs al weet my kamermaats dat ek ʼn Christen is, word ek gedwing om ook soos hulle aan te trek.”
Lina (naam verander), ʼn jong Christen in Broenei.
Wat doen Geopende Deure om te help?
Geopende Deure skep gebedsondersteuning vir vervolgde gelowiges in Broenei.
Bid asseblief
- Bid vir die gelowiges wat beperkte toegang tot Bybels het, dat hulle God se Woord vrylik sal kan lees en bestudeer.
- Dank God dat sommige kerke bymekaar kan kom om saam te aanbid. Bid dat die kerke oop sal kan bly.
- Bid dat die monargie in Broenei oop sal wees vir die waarheid oor Jesus.