skip to Main Content
Streek  Suid-Asië
Christelike bevolking 9.5% Christene in die land
Meederheidsgeloof Boeddhisme
2020 Ranglysposisie 30
2019 Ranglysposisie 46

30Sri Lanka

Sri Lanka is ’n land met ’n Boeddhistiese meerderheid. Hoewel Christene van meer historiese kerke ietwat meer vryheid geniet om hul geloof uit te leef, word Gelowiges vanuit ’n Boeddhistiese agtergrond as tweedeklasburgers behandel en ervaar hulle kwaadpratery en aanvalle.

Gelowiges vanuit ’n Boeddhistiese of Hindoe-agtergrond ervaar teistering en diskriminasie van hul families en gemeenskappe. Hulle word onder druk geplaas om hul nuwe geloof te laat vaar, want bekering word as ’n verwerping van hul etnisiteit gesien. Die meeste staatskole bied nie onderrig in Christenskap nie, dus word Christen-leerlinge geforseer om Boeddhisme of Hindoeïsme te studeer. Kerke op die platteland is aangeval of gesluit, en Christene is aangerand.

Die mees onlangse aanvalle het in April 2019 plaasgevind, toe 253 mense vermoor is en minstens 500 mense beseer is in ’n reeks bomaanvalle op kerke en hotelle wat deur Islamitiese militante op Paassondag uitgevoer is.

GETUIENIS

“Gedurende die tyd wat ek vervolg is, was ek depressief. Ek was regtig mismoedig, maar Jesus het my verseker dat Hy met my sou wees deur daardie tyd. Soos wat Jesus met my was, sal Hy met julle wees, diegene wat ook ly.” – Nalaka*, ’n pastoor van Sri Lanka

Nalaka het tot bekering gekom nadat hy vir jare as ’n dwelmverslaafde geleef het. Hy het vervolging begin ervaar van sy dorpie en die plaaslike Boeddhistiese monnike omdat hy Jesus gevolg het. Hulle het gedreig om hom aan te val. Nalaka is nou ’n pastoor en is versterk deur die vervolging wat hy ervaar het.

*Naam verander vir sekuriteitsredes.
pray

Bid vir Sri Lanka

  • Bid vir die Kerk in Sri Lanka om braaf te wees in hul geloof en die verkondiging van die Evangelie, selfs aan hul vervolgers.
  • Bid vir almal wat geraak is deur die Paasfees-aanval verlede jaar – vir genesing vir diegene wat beseer is en vir vertroosting vir diegene wat verlies ervaar het.
  • Bid vir Christen-leerlinge wat dikwels Boeddhistiese godsdiensklasse moet bywoon.

ONS WERK

Geopende Deure werk om Christene in Sri Lanka wat slagoffers van vervolging is van noodleniging te voorsien. Ons bestuur ook inkomste-genererende projekte vir diegene wat sukkel om werk te vind en berei die Kerk voor op vervolging in die toekoms.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.
Back To Top
×Close search
Soek