Prayer Points

CHINA - Bid saam met ʼn huiskerk in Sentraal-China, wat amptelik ondersoek word ná ʼn verslag aan die plaaslike owerhede. Bid dat hulle met wysheid en krag in hierdie uitdagende situasie sal reageer.

SOEDAN - Die owerhede het verklaar dat enige gebou in die stad Khartoem wat nie aan die regulasies voldoen nie, vernietig sal word. Bid dat God alle planne vir die vernietiging van nog kerkgeboue sal dwarsboom.

SOEDAN - “Mense is uiters getraumatiseerd, en dit beïnvloed ons getuienis,” deel ʼn kerkleier oor die kerk wat in noordoostelike Khartoem vernietig is. Bid dat Christene emosionele en geestelike genesing sal ontvang van die oorlog, wat al drie jaar duur.

SOEDAN - Bid vandag saam met ons vir die Soedanese gemeente van die Pinksterkerk in noordoostelike Khartoem. Hulle is gedwing om te kyk hoe hul kerkgebou gesloop word.

NOORD-KOREA - Terwyl ons vandag die begin van Adventstyd vier, bid dat jong Noord-Koreaanse leiers standvastig in hul geloof sal bly. Bid dat hulle sal onthou dat Jesus hul hoop, troos en krag is.

NOORD-KOREA - Bid asseblief vir die voorsiening en beskerming van die mense agter die ondergrondse Kerk in Noord- Korea. Mag die Here se guns en Hand op hulle wees terwyl hulle bedien en uitdagings oorwin.

NOORD-KOREA - Geopende Deure-werkers het onlangs ʼn roerende boodskap van ʼn Noord-Koreaanse geheime gelowige ontvang: “Ons lei die jong gelowiges op met die hulpmiddels wat ons van julle af ontvang. Die feit dat julle ons help, is ʼn bewys dat…

INDIË - Geopende Deure se plaaslike vennote bied dringende noodleniging en mediese bystand, en verseker dat die gesinne wat aangeval is deur gebed en ondersteuning gedek word. Bid dat gelowiges se geloof deur hierdie voorsiening versterk sal word.

INDIË - In die aanval in Odisha is meer as 30 Christene beseer, insluitend 20 wat ernstig gewond is. Bid vir volledige fisiese, emosionele en geestelike genesing.

INDIË - Bid saam met die Christelike gemeenskap in die staat Odisha, wat gewelddadig aangeval is deur 1 500 tot 2 000 ekstremiste en dorpenaars omdat hulle hul stamgeloof verlaat het en Jesus aangeneem het.