As jy van die donkerste plek op aarde ontsnap het . . .
Wat sou jou laat teruggaan?
Dít is die vraag wat baie gelowiges op vanjaar se Wêreldwaarnemingslys vir hulself moet beantwoord.
Hulle woon in lande waar die vervolging van Christene baie erg is.
Maar hulle voel dat God vir hulle sê om terug te gaan om die Evangelie te deel.
Sou jy dit waag om die Evangelie te deel, wetende wat dit jou kan kos? Geliefdes, samehorigheid, jou lewe?
In sommige van die donkerste plekke om ʼn Christen te wees, waag gelowiges met vrymoedigheid alles om die Evangelie te deel.
Ons Dare to Share-veldtog is ons manier om saam met hierdie gelowiges in die top 10 Wêreldwaarnemingslys-lande te staan sodat hulle Johannes 1:4 kan uitleef: “Die lig skyn in die duisternis, en die duisternis het dit nie oorwin nie.”
Wanneer gelowiges dit waag, selfs in die donkerste plekke, kan die lig van Christus skyn, en die Koninkryk kan groei.
Sal jy help om Christene te versterk, wat dit ten spyte van vrees waag om Jesus se Evangelie in die donkerste plekke te deel?
Wat is die probleem?
Vervolging is ʼn groot probleem wat aanhou groei. Meer as 380 miljoen Christene staar hoë vlakke van vervolging en diskriminasie in die gesig weens hul geloof.
Slegs in die top 50 lande op Geopende Deure se Wêreldwaarnemingslys staar 310 miljoen Christene baie hoë of uiterste vlakke van vervolging en diskriminasie in die gesig vir hul geloof. Die toename in vervolging in hierdie lande word grootliks deur geweld gedryf. In sommige lande word dit gedryf deur streng beheerde outokratiese state of lande wat onstabiel is weens ʼn swak regering of burgeroorlog.
Vervolging het toegeneem as gevolg van:
- GEBREK AAN BESKERMING: Baie regerings kan en wil nie die Christene in hul lande beskerm nie weens politieke, godsdienstige en populistiese redes. Dit gaan hand aan hand met:
- STRAFFELOOSHEID vir die vervolgers/oortreders in baie lande, wat op sy beurt tot meer vervolging van Christene lei.
- ONVERSKILLIGHEID van politieke rolspelers (in die Weste) wat meer kon doen, maar dit nie doen nie.
Ons broers en susters in hierdie lande het ons gebede, ondersteuning en voorspraak nodig sodat die lig van Christus kan aanhou om in die duisternis te skyn
