Maar met jou ondersteuning kan hoop verrys.

Een dag. Dit is al wat dit geneem het om Jemal se* huis, sy onderneming en die lewe wat hy opgebou het, te vernietig. “Ek het al my hoop vir die toekoms verloor. Ek het op alles opgegee.”

Christen-huise is aan die brand gesteek en honderde Christen-families is haweloos gelaat op die dag toe Islamitiese militante Jemal se dorp in Sentraal-Ethiopië ná maande se toenemende spanning aangeval het.

Niemand het kom help nie.

Dit was ʼn berekende aanval op die Kerk self.

“Bendes het van huis tot huis gegaan en Christen-huise geteiken,” sê Jemal. “Hul doel was om die Christendom te vernietig.”

En hierdie vyandigheid is nie tot Ethiopië beperk nie . . .

Die Kerk brand

Gewelddadige vervolging is ongekend regoor sub-Sahara Afrika. Meer as 16 miljoen Christene is uit hul huise gedwing.

Vroue word met uiterste seksuele geweld geteiken, wat tot trauma en vernedering lei. Mans soos Jemal, die broodwinners, is hulpeloos terwyl militante groepe ondernemings vernietig en gesinne tot armoede dwing.

Hoewel aanvalle op mans en vroue verskillend lyk, is die eindspel egter dieselfde: Vernietig die Kerk.

Ons visie is om vier miljoen vervolgde gelowiges in sub-Sahara Afrika op praktiese, emosionele en geestelike maniere te ondersteun – gelowiges soos Jemal.

Nadat hulle ʼn paar maande lank op die vloer van ʼn verlate gebou in ʼn ander dorp geslaap het, het Jemal en 30 ander families die dapper besluit geneem om na hul ou gemeenskap terug te keer vir ʼn nuwe begin.

Jemal was in dié tyd verpletter omdat sy rol as die gesin se versorger en beskermer van hom weggeneem is. Ons kon egter danksy die ruimhartige hulp van ons ondersteuners geestelike en trauma-ondersteuning aan Jemal en sy gesin bied, en ons help hom om sy onderneming weer te herbou.“Ons verduur baie swaarkry,” sê Jemal, terwyl hy sy oë toemaak om die trane te keer. “Ons kan nie terugkry wat ons verloor het nie. Dit is onmoontlik. Maar God kan.”

Jy kan Jemal en ander soos hy help om vanuit die as te herrys. Jou geskenk kan traumasorg, kos en blyplek bied, of selfs ʼn vervolgde Christen help om ʼn onderneming te begin.

Sal jy vervolgde gelowiges help om hul lewens te herbou?

Elke R630 kan traumasorg bied aan ʼn Christen wat uiterste vervolging ervaar het.

Elke R990 kan vir ʼn maand kos, blyplek en klere aan vier gelowiges in Afrika gee.

Elke R1 440 kan ʼn vervolgde gelowige help om ʼn onderneming te begin en finansiële sekuriteit bied.

Ek het hoop,” sê Jemal. “Ons God kan alles doen.”

BID ASSEBLIEF:

• Dank God vir Jemal se geloof en moed, en vra God om hom te versterk.
• Vir ander Christene wat weens gewelddadige vervolging gedwing word om van hul huise weg te vlug.
• Dat die wêreld sal wakker word oor die krisis wat die Kerk in sub-Sahara Afrika in die gesig staar.

DOEN VOORSPRAAK

Ons doel is om ʼn miljoen gebede en petisie-handtekeninge te kry as deel van die Arise Africa-veldtog.

• Voeg asseblief jou naam by die Arise Africa-petisie.
• As jy alreeds die petisie onderteken het, dankie. Sal jy iemand anders aanmoedig om dit vandag te onderteken?

“Staan op, laat jou lig skyn! Ja, jou lig het gekom.” – Jesaja 60:1

*Naam verander om hom te beskerm.

*Naam verander weens sekuriteitsredes.

*Enige oortollige fondse sal gebruik word om vervolgde Christene te versterk waar dringende hulp nodig is.