{"id":49006,"date":"2025-10-21T11:20:58","date_gmt":"2025-10-21T09:20:58","guid":{"rendered":"https:\/\/www.opendoors.org.za\/?p=49006"},"modified":"2025-10-21T16:15:27","modified_gmt":"2025-10-21T14:15:27","slug":"gebedsversoek-bid-vir-die-kerk-in-mosambiek","status":"publish","type":"post","link":"https:\/\/www.opendoors.org.za\/afr\/gebedsversoek-bid-vir-die-kerk-in-mosambiek\/","title":{"rendered":"Gebedsversoek: Bid vir die Kerk in Mosambiek"},"content":{"rendered":"

In die mees onlangse aanval op Christene in Mosambiek is minstens 20 Christene dood, 2 000 op vlug, en 1 300 huise en twee kerke, deur al-Shabaab vernietig.<\/p>\n

Napala-dorp, gele\u00eb in die Chi\u00fare-distrik van die Cabo Delgado-provinsie in Noord-Mosambiek, is ernstig vernietig nadat die rebelle van 9-12 Oktober \u0149 reeks aanvalle op die hoofsaaklik Christelike dorp geloods het.<\/p>\n

Volgens \u0149 plaaslike pastoor het die situasie vinnig versleg toe die Verdediging- en Veiligheidsmagte* (FDS) van die geveg teen die rebelle onttrek het. \u201cAlles het slegter geword toe die FDS probeer ingryp het sonder sukses. Toe hulle gevlug het, het hulle alles slegter gelaat vir die mense,\u201d het die pastoor aan plaaslike Geopende Deure-vennote ges\u00ea. Die Chi\u00fare-distrik het vanjaar al verskeie gewelddadige aanvalle ondervind.<\/p>\n

\"\"<\/p>\n

Volgens verslae deur ReliefWeb het \u0149 stroom van vlugtelinge in Chi\u00fare-aangekom na soortgelyke aanvalle tussen 24 Julie en 3 Augustus. Die provinsie herberg nou na raming 425 000 vlugtelinge, volgens die Internasionale Organisasie vir Migrasie.<\/p>\n

Ons veld vennote vra vir innige gebed vir die Kerk in Mosambiek.<\/p>\n

\u201cDit breek my hart om te sien hoe die regering van Mosambiek hierdie aanhoudende konflik hanteer, en dit maak dit selfs meer pynlik om die huidige houding van die Kerk te sien te midde van hierdie diep lydinge van Christus se liggaam. Ek glo dit is ons gedeelde verantwoordelikheid, as lede van Christus se Liggaam, om op te staan en te verklaar: \u2018Genoeg nou! Genoeg van die bloedvergieting en lyding!\u2019 Soveel van ons onskuldige broers en susters bly vervolging deurmaak net omdat hulle die naam van Jesus dra,\u201d<\/em> het \u0149 veld bron ges\u00ea, wat vir veiligheidsredes nie genoem kan word nie.<\/p>\n

Volgehoue gebed word nie net vir ons broers en susters in Mosambiek benodig nie, maar ook elders in Afrika suid van die Sahara. Die Islamitiese Staat (ISIS) het vroe\u00ebr vandeesmaand in \u0149 weeklikse nuusbrief \u0149 waarskuwing aan Christene in Afrika gepubliseer waarin hulle Christene drie opsies gegee het om die moorde te ontsnap: Sluit aan by Islam, betaal \u0149 kopbelasting om hul lewens te red en hul dorpe te beskerm of word doodgemaak. Die hoofartikel het voortgegaan om die groep te prys vir sy jihad teen Christene in die ooste van die Demokratiese Republiek van die Kongo en Mosambiek.<\/p>\n

Sluit asseblief by ons aan deur te bid vir Christene in Mosambiek; en teken en versprei die Arise Africa-petisie<\/strong><\/a> om w\u00eareld leiers te vra om geregtigheid, vrede en herstel vir die 16,2 miljoen Christen vlugetlinge in Sub-Sahara Afrika te soek.<\/p>\n

Bid asseblief:<\/strong><\/p>\n