{"id":48698,"date":"2025-09-11T14:16:55","date_gmt":"2025-09-11T12:16:55","guid":{"rendered":"https:\/\/www.opendoors.org.za\/?p=48698"},"modified":"2025-09-11T14:17:24","modified_gmt":"2025-09-11T12:17:24","slug":"gebedsflits-slagtings-duur-voort-in-die-drk","status":"publish","type":"post","link":"https:\/\/www.opendoors.org.za\/afr\/gebedsflits-slagtings-duur-voort-in-die-drk\/","title":{"rendered":"Gebedsflits: Slagtings duur voort in die DRK"},"content":{"rendered":"

Sluit asseblief by ons aan in gebed vir ons familie in die Demokratiese Republiek van die Kongo (DRK), wat steeds slagting n\u00e1 slagting in die gesig staar deur die Geallieerde Demokratiese Magte (ADF), \u0149 ISIS-geaffilieerde rebelle-organisasie.<\/p>\n

ADF-vegters het die dorpe Ntoyo en Potodu in die Beni- en Lubero-distrikte op Maandagaand, 8 September, aangeval en minstens 100 Christene oor twee dae doodgemaak.<\/p>\n

In \u0149 video wat via boodskap-toepassings gedeel is, kan gehoor word hoe die oorlewende families van Ntoyo, wat by \u0149 begrafnisdiens bymekaargekom het, van hartseer skreeu oor die soveelste aanval op hul gemeenskappe.<\/p>\n

\u201cDiegene wat probeer vlug het, is doodgeskiet en ander is met kapmesse doodgemaak,\u201d het eerwaarde Mbula Samaki van die 55ste CEBCE-kerk Mangurejipa in Ntoyo, ges\u00ea.<\/p>\n

\u201cBenewens diegene wat doodgemaak is, is ten minste 100 mense ontvoer en 16 huise, agt motorfietse en twee voertuie verbrand. Dit is verskriklik,\u201d het eerwaarde Samaki bygevoeg.<\/p>\n

Die volgende oggend het die terroriste weer toegeslaan, hierdie keer op Christen-boere in Potodu.<\/p>\n

\u201cDie ADF het in Potodu aangekom, sowat 6km vanaf Mabasele, \u0149 woonbuurt in Oicha. Hulle het die Christen-boere doodgemaak wat teruggekeer het en op hul plase gekamp het,\u201d het hy bygevoeg.<\/p>\n

Hierdie aanvalle het plaasgevind minder as twee maande nadat 49 Christene in die dorpie Komanda doodgemaak is<\/a> en net minder as \u0149 maand nadat die ADF naburige gemeenskappe in die Beni- en Lubero-gebiede aangeval het en meer as 50 mense doodgemaak het.<\/strong><\/p>\n

\u201cMag God tot ons redding kom, want ons is keelvol vir hierdie moorde in die Beni-gebied,\u201d het pastoor Paluku gekla.<\/p>\n

\u201cDie slagtings verswak Christene se geloof. Verlede maand was dit steeds slagting n\u00e1 slagting, en in September, Here, help ons asseblief,\u201d het eerwaarde Alli geweeklaag.<\/p>\n

Beide eerwaardes het gedeel dat die meerderheid van die slagoffers in Ntoyo lede van die Rooms-Katolieke Kerk was. Sommige begrafnisse was vir gister, 10 September, op verskeie plekke geskeduleer, terwyl ander in \u0149 massagraf by Ntoyo begrawe sou word.<\/p>\n

Regeringsowerhede het die betrokke gemeenskappe besoek om met die inwoners te simpatiseer.<\/p>\n

\u201cDie situasie is bedenklik in die Bap\u00e8re-sektor van die Lubero-gebied, waar Christene deur Islamitiese terroriste vermoor word. Asseblief, broers en susters, laat ons verenig in gebed om die vyand te verslaan. God s\u00ea as Hy nie oor die huis waak nie, waak ons tevergeefs. Laat ons saam bid vir die Christene in die ooste van die DRK,\u201d het eerwaarde Alili gepleit.<\/p>\n

Bid asseblief:<\/strong><\/p>\n