{"id":42819,"date":"2024-09-06T07:00:52","date_gmt":"2024-09-06T05:00:52","guid":{"rendered":"https:\/\/www.opendoors.org.za\/?p=42819"},"modified":"2024-09-09T11:39:14","modified_gmt":"2024-09-09T09:39:14","slug":"dit-voel-asof-ons-vergete-is","status":"publish","type":"post","link":"https:\/\/www.opendoors.org.za\/afr\/dit-voel-asof-ons-vergete-is\/","title":{"rendered":"\u201cOns voel vergete\u201d"},"content":{"rendered":"
[vc_row][vc_column][vc_column_text css=””]Meer as 16 miljoen Christene in sub-Sahara Afrika is al gedwing om hulle huise te verlaat. Baie word weens hul geloof vervolg. Dit is nou tyd om al die geweld stop te sit en aan die genesingsproses te begin werk.<\/p>\n

Oral is daar saamgeflanste tydelike tente wat min beskerming teen die uitmergelende hitte bied. \u0149 Gevoel van hopeloosheid hang in die lug. Daar is nie genoeg kos nie, geen lopende water nie, te min toilette en siektes kom algemeen voor.<\/p>\n

Hierdie kamp, met sy haglike toestande, is \u201chuis\u201d vir pastoor Barnabas, sy vrou en hulle vyf kinders. Die vloerspasie in hulle tent is niks groter as die spasie wat \u0149 dubbelmatras opneem nie. Elke dag is \u0149 stryd om te oorleef. Hulle bly nou al vier jaar lank hier.<\/p>\n

\u201cElke persoon wat jy hier sien … ons is almal Christene,\u201d s\u00ea pastoor Barnabas. \u201cOns is hier as gevolg van al die geweld. Miljoene Christene in Nigeri\u00eb is ontwortel, maar die nuusmedia gee nie om nie en politici praat nie daaroor nie, niemand praat daaroor nie. Ons bly in die duister. Hoe sal jy voel as jy vergete is?\u201d<\/p>\n

Miljoene is ontwortel<\/strong><\/p>\n

Pastoor Barnabas is maar net een van die geskatte 16,2 miljoen Christene in sub-Sahara Afrika wat gedwing is om hulle geboorteland en huise te verlaat. Talle ander Christene soos hy word weens hulle geloof vervolg. Islam-terroristegroepe soos Al-Qaeda, al-Shabab en Boko Haram wil \u0149 Islamitiese staat vestig en teiken Christene in die omgewing met ongekende geweld.<\/p>\n

Gelowiges word aangeval, ontvoer en doodgemaak, en Christelike dorpe en skole word vernietig. Burkina Faso het 40% van sy grondgebied aan terreurgroepe verloor, en in plekke soos Nigeri\u00eb blyk dit dat militante se dade ongestraf gelaat word.<\/p>\n

Pastoor Barnabas het al eerstehands beleef hoe gevaarlik dit vir die gelowiges in Nigeri\u00eb is. Dit was immers ‘n dodelike aanval op sy plaas wat hom na \u0149 vlugtelingkamp gedryf het…<\/p>\n

Aanval met \u0149 kapmes<\/strong><\/p>\n

\u201cMilitante het ons omsingel, sommige met gewere, sommige met kapmesse, ander met stokke,\u201d onthou pastoor Barnabas. \u201cMy broer is doodgeskiet en sy vrou is geskiet, met \u0149 kapmes aangeval en doodgemaak. Ek het aangehou hardloop en is met \u0149 stok aangeval. My hand is in die aanval gebreek.\u201d<\/p>\n

Pastoor Barnabas het nie net permanente beserings in die skrikwekkende geweld van daardie dag opgedoen nie, maar dit het ook \u0149 verwoestende langtermynimpak op sy familie gehad.<\/p>\n

\u201cEk het alles verloor,\u201d s\u00ea pastoor Barnabas terwyl hy met \u0149 kind langs hom deur die stof en afval van die vlugtelingkamp stap. \u201cAlles in my huis is verbrand. Nou kan ek nie eers meer vir my familie sorg nie. Ek kan hulle nie kosgee nie. My kinders kan nie meer skool toe gaan nie.\u201d<\/p>\n

Pastoor Barnabas aarsel \u0149 oomblik, oorweldig deur emosie. \u201cAs \u0149 pastoor is ek veronderstel om vir my skape te sorg, maar mense is besig om hulle hoop in God te verloor as gevolg van die situasie waarin hulle hulself bevind. Ek het niks om vir hulle te gee nie. Ons kan net vir hulle bid en die Woord met hulle deel… Dit laat my baie, baie sleg voel.\u201d<\/p>\n

Arise Africa<\/em>-veldtog<\/strong><\/p>\n

Onsekerheid en onstabiliteit plaas die toekoms van die Kerk in gevaar, en skep \u0149 ontwortelingskrisis, \u0149 opvoedkundige krisis sowel as \u0149 gesondheidskrisis. Daarom roep pastoor Barnabas en Christen-leiers regoor sub-Sahara Afrika die w\u00eareldwye Kerk op om deur die Arise Africa-veldtog daadwerklik op te tree.<\/p>\n

Jy word gevra om in die pyn van pastoor Barnabas en ander te deel, om jou teen die geweld uit te spreek, met oortuiging saam te bid en een te wees met jou vervolgde broers en susters. Jou bydraes, gebede en dade kan help om die geweld stop te sit en die genesingsproses te begin.<\/p>\n

Geopende Deure se plaaslike vennote het reeds noodvoorraad, kos en mediese sorg aan pastoor Barnabas en die ander Christene in die vlugtelingkamp verskaf. Vaardigheidsopleiding en traumasorg word ook beplan. Met jou ondersteuning, kan die vervolgde Kerk in sub-Sahara Afrika sterk en veerkragtig bly. En Christene soos pastoor Barnabas is nie van plan om moed op te gee nie…<\/p>\n

\u201cGod het nog altyd vir my gesorg en my bewaar, en ek gaan nie ophou om Hom te vertrou nie,\u201d s\u00ea pastoor Barnabas. \u201cOns hou ons o\u00eb op Hom gerig en bly in Hom hoop. Aangesien God hierdie stryd vir ons stry, sal daar \u0149 dag kom wanneer ons \u0149 goeie lewe sal lei.\u201d<\/p>\n

Sal jy met die Kerk in Afrika saamstaan?<\/strong><\/p>\n

Kerkleiers in Afrika vra jou nou om saam met hulle te staan om die geweld te stop en die genesingsproses te begin.<\/p>\n

Deur Arise Africa, \u0149 w\u00eareldwye veldtog, kan jy jou vervolgde familie bystaan:<\/p>\n