{"id":40426,"date":"2024-03-08T11:50:04","date_gmt":"2024-03-08T09:50:04","guid":{"rendered":"https:\/\/www.opendoors.org.za\/?p=40426"},"modified":"2024-07-12T13:52:26","modified_gmt":"2024-07-12T11:52:26","slug":"mediaverklaring-christen-vroue-en-meisies-is-meer-kwesbaar-vir-vervolging","status":"publish","type":"post","link":"https:\/\/www.opendoors.org.za\/afr\/mediaverklaring-christen-vroue-en-meisies-is-meer-kwesbaar-vir-vervolging\/","title":{"rendered":"Mediaverklaring: Christen-vroue en meisies is meer kwesbaar vir vervolging"},"content":{"rendered":"

Nuwe geslagsverslag wys skokkende toename<\/strong><\/p>\n

Die geslagspesifieke godsdienstige vervolging wat Christen-vroue en meisies in die gesig staar, is deurlopend meer kompleks en omvattend as die vervolging wat mans en seuns ervaar. Gewelddadige vorms van onveiligheid bring mee dat vroue en meisies meer kwesbaar vir seksuele geweld is, terwyl mans en seuns \u0149 verhoogde risiko vir fisiese geweld ervaar. D\u00edt is sommige van die bevindings in \u0149 nuwe verslag oor geslagspesifieke godsdienstige vervolging wat van stapel gestuur is deur die bedieningsorganisasie, Geopende Deure Internasionaal, wat vervolgde Christene regoor die w\u00eareld ondersteun en versterk.<\/p>\n

Die verslag, getiteld \u201cInsecurity: The 2024 Gender Report\u201d, is op Internasionale Vrouedag vrygestel. Met die viering van Internasionale Vrouedag op Vrydag, 8 Maart, val die kollig opnuut op die lot van vroue en meisies \u2013 veral op die Afrika-kontinent.<\/p>\n

Volgens Geopende Deure se nuwe verslag staar vroulike bekeerlinge na Christenskap \u0149 groeiende bedreiging van vervolging in die gesig. Vervolging is kompleks, weggesteek en gewelddadig vir vroue en meisies \u2013 gekenmerk deur seksuele geweld en gedwonge huwelike, sowel as verraderlike, onsigbare geweld agter geslote deure. Aan die ander kant is die vervolging van mans en seuns gefokus, sigbaar en ernstig \u2013 gekenmerk deur geteikende fisiese geweld, insluitende dodelike geweld, sowel as ekonomiese en staatsdruk.<\/p>\n

Mans word dikwels met vervolging geteiken vir hul krag as leiers en finansi\u00eble verskaffers, en vroue vir hul seksuele en familie-eer. In lande waar Christene akute vlakke van vervolging weens hul geloof ervaar \u2013 ongeag of dit deur gewelddadige godsdienstige groepe, uitgebreide familielede of ander drywers van godsdienstige vervolging aangevuur word \u2013 is \u0149 persoon se geslag een van die faktore wat bepaal watter soort vervolging hulle in die gesig staar.<\/p>\n

Belangrikste drukpunte wat Christen-vroue en -meisies be\u00efnvloed<\/strong><\/p>\n

Vroue en meisies regoor die w\u00eareld word aan talle vorms van druk en nadele in hulle alledaagse lewens onderwerp. Di\u00e9 druk is omvattend vir Christen-vroue en meisies, wat beteken dat hulle spesifieke vorms van godsdienstige vervolging weens hul geslag ervaar.<\/p>\n

In al die lande op die W\u00eareldwaarnemingslys (WWL) is dit algemeen vir vroue en meisies om vervolging in die private sfeer te ervaar, dikwels agter geslote deure of gepleeg deur mense wat hulle alreeds ken in hul bestaande gemeenskappe en verhoudings.<\/p>\n

Vanjaar is geloofsgebaseerde gedwonge huwelike as \u0149 risiko ge\u00efdentifiseer in 84% van die WWL-lande \u2013 \u0149 kommerwekkende algemene praktyk. Gedwonge huwelike is \u0149 vorm van uitbuiting en beheer, en die risiko is verweef met seksuele geweld. S\u00f3 mag jong Moslem-mans in Kameroen byvoorbeeld, te midde van die gewelddadige onveiligheid in die noorde van die land, vroue by markte met krag oorrompel en wegneem… en hulle word vir weke, selfs maande, aangehou om hulle te verkrag en swanger te maak, wat beteken die vroue moet dan met hulle trou. Hulle versteek die meisies in verafgele\u00eb dorpe, en die meisies het dan nie die finansi\u00eble vermo\u00eb om terug te keer na hul eie dorpe nie.<\/p>\n

Seksuele geweld en gedwonge huwelike word as maniere van intimidasie en beheer aangewend, en di\u00e9 strategie\u00eb is daarop gemik om te verhoed dat Christen-vroue en -meisies hul geloof in Christus uitleef.<\/p>\n

In sommige dele van Mali, die Demokratiese Republiek van die Kongo (DRK), Kirgistan en Mosambiek is die ontvoering van bruide op geloofsgebaseerde gronde \u0149 groot risiko. Christen-vroue en -meisies word ontvoer vir gedwonge huwelike met soldate en ander mans wat nie Christene is nie, dikwels Moslem-mans.<\/p>\n

Vroue en meisies wat vanaf \u0149 ander geloof, soos Islam, tot bekering gekom het regoor die Midde-Ooste en Noord-Afrika (MENA)-streek, ervaar die risiko dat hulle gedwing kan word om met \u0149 nie-Christen-man te trou wat \u0149 mate van godsdienstige gesag het of toegewyd is aan sy geloof, met die hoop dat hy haar sal be\u00efnvloed om haar geloof te verwerp. Dit sluit ook jong meisies in wat gedwing word om met veel ouer mans te trou.<\/p>\n

Top 5 drukpunte vir vroue:<\/strong><\/p>\n

    \n
  1. Gedwonge huwelike.<\/li>\n
  2. Seksuele geweld.<\/li>\n
  3. Fisiese geweld.<\/li>\n
  4. Sielkundige geweld.<\/li>\n
  5. Ontvoering.<\/li>\n<\/ol>\n

    Die geslagspesifieke godsdienstige vervolging wat vroue en meisies in die gesig staar, is deurlopend meer kompleks en omvattend as die vervolging wat mans en seuns ervaar. Die gemiddelde aantal drukpunte per land vir vroue en meisies in 2024 was 8,4 in vergelyking met 6,6 drukpunte per land vir mans en seuns.<\/p>\n

    Belangrikste drukpunte wat Christen-mans en -seuns be\u00efnvloed<\/strong><\/p>\n

    Mans en seuns ervaar veral die risiko van geloofsverwante fisiese geweld in 39 van die 50 WWL-lande, plekke waar Christene ernstige vyandigheid weens hul godsdienstige affiliasie in die gesig staar.<\/p>\n

    In talle van die lande wat bestudeer is, is kerkleiers hoofsaaklik manlik. Dus word hulle blootgestel aan spesifieke en gewelddadige vervolging vir hul rol as leiers en geestelike voorsieners vir die geloofsgemeenskap. In lande soos Colombi\u00eb word pastore gedwing om van hul huise te vlug weens die risiko van aanvalle en afpersing.<\/p>\n

    Mans se rol as \u201cbeskermer\u201d word strategies ondermyn deur groepe wat manlike hoofde van huishoudings teiken met herhaalde dade van marteling, wat die druk verhoog om hul geloof te verwerp en \u0149 impak het op hul vermo\u00eb om hul gesinne veilig te hou. Selfs kinders kan teikens van fisiese geweld wees, met berigte van laerskoolseuns wat aangerand word omdat hulle Christene is.<\/p>\n

    In \u0149 milit\u00eare konteks en vir di\u00e9 wat vanaf \u0149 ander godsdienstige agtergrond tot bekering gekom het, is die risiko van fisiese mishandeling en marteling selfs nog ho\u00ebr en die koste selfs nog groter omdat hulle die Christelike geloof gekies het. In die oostelike DRK word Christen-mans en seuns onderwerp aan werwing deur burgermaggroepe, geteikende ontvoerings en moord.<\/p>\n

    Sielkundige geweld is \u0149 ander leidende vorm van vervolging vir mans en seuns. Hulle word as deel van die sielkundige druk wat op Christen-mans in MENA toegepas word, gedwing om Vrydae gebedsessies by te woon en selfs om op \u0149 gedwonge \u201chajj\u201d, \u0149 pelgrimstog na Mekka, te gaan.<\/p>\n

    Die impak van herhaalde siklusse van geweld, beide fisies en emosioneel, kan nie onderskat word nie. Dit veroorsaak langdurige sielkundige skade vir Christen-mans en -seuns. Die rimpeleffek hiervan brei uit na hul gesinne, gemeenskappe en kerke.<\/p>\n

    Top 5 drukpunte vir mans:<\/strong><\/p>\n

      \n
    1. Fisiese geweld.<\/li>\n
    2. Sielkundige geweld.<\/li>\n
    3. Tronkstraf deur die regering.<\/li>\n
    4. Ekonomiese teistering via besigheid\/werk.<\/li>\n
    5. Milit\u00eare\/burgermag diensplig\/diens wat met hul gewete bots.<\/li>\n<\/ol>\n

      \u00a0<\/strong>Ander bevindings van die verslag<\/strong><\/p>\n

      Die 2024-verslag onthul ook die volgende:<\/p>\n