Was jy al ooit in \u0149 oorloggeteisterde plek of land? Het jy na die ou, gebombardeerde, verbrande en le\u00eb geboue en vuil stadsruimtes gekyk, en gewonder hoe die mense in die omgewing n\u00e1 die onrus leef? Stel jouself nou voor hoe dit sou wees as die oorlog nog aan die gang was en jy en jou geliefdes in een van hierdie stede moes bly waar daar geen vrede is nie, en geweerskote elke nou en dan afgevuur word, wat jou herinner aan die onrus in \u0149 plek wat jy jou huis noem. Dit is dalk nie jou realiteit nie, maar vir baie gelowiges is oorlog al vir jare deel van hul lewens \u2013 en in plekke soos Afrika nie net oorlog nie, maar ook vervolging…<\/p>\n
Noordelike Nigeri\u00eb is \u0149 oorlogsone vir baie gelowiges wat in di\u00e9 land bly. Islamitiese ekstremiste het sekere gebiede met geweld oorgeneem, wat meegebring het dat baie inwoners vir hul lewens moes vlug en weens die terreur ontwortel is.<\/p>\n
Dit het oorgespoel na naburige lande soos die verre noordelike streek van Kameroen, wat erg deurgeloop het onder die ekstremiste se geweld. In 2020 het Geopende Deure minstens 41 aanvalle in dorpe in noordelike Kameroen en ander naburige lande gerapporteer. Met baie mense wat ontwortel is, is Christelike dorpe \u0149 maklike teiken vir militante groepe wat daarop konsentreer om gelowiges te vervolg. Dit skep die gevaar van individuele aanrandings en ontvoerings. Aangesien hulle ontwortel is, het hulle geen kos, skuiling, klere ens. nie.<\/p>\n
Dit is gevolglik nie net \u0149 fisiese oorlog weens die onrus in hierdie lande nie, maar ook \u0149 geestelike oorlog weens die aanslag op gelowiges se geloof in Christus.<\/p>\n
Die bejaarde Baldina en haar siek man is erg geraak deur die aanvalle in Kameroen, wat meegebring het dat hulle te swak is om te boer en vir hulself te sorg. Genadiglik het die Kerk te midde van die onrus \u0149 toevlugsoord vir Baldina geword \u2013 beide fisies en geestelik.<\/p>\n
Kerke in die verre noordelike streek van Kameroen is Sentrums van Hoop. Wanneer mense hul aardse vastrapplek verloor, is samesyn en aanbidding saam met ander gelowiges dikwels hul geestelike anker. Die Kerk vertolk hierdie rol vir Baldina en haar man, wat in \u0149 klein dorpie in di\u00e9 streek bly. Hulle woon alleen nadat hul oudste seun deur Boko Haram-vegters doodgemaak is en hul ander seun uit vrees vir Boko Haram na \u0149 ander dorp gevlug het.<\/p>\n