{"id":26073,"date":"2021-02-18T18:00:17","date_gmt":"2021-02-18T16:00:17","guid":{"rendered":"https:\/\/www.opendoors.org.za\/?p=26073"},"modified":"2021-02-18T15:37:24","modified_gmt":"2021-02-18T13:37:24","slug":"gebedsflits-skoolkinders-in-nigerie-ontvoer","status":"publish","type":"post","link":"https:\/\/www.opendoors.org.za\/afr\/gebedsflits-skoolkinders-in-nigerie-ontvoer\/","title":{"rendered":"GEBEDSFLITS: Skoolkinders in Nigeri\u00eb ontvoer"},"content":{"rendered":"

In die vroe\u00eb oggendure van gisteroggend het onbekende rowers die Government Science College<\/em> in Kagara, Nigerstaat, Nigeri\u00eb<\/a> bestorm. Daar was 650 kinders by die skool toe die aanval plaasgevind het.<\/p>\n

Muhammad Sani Idris, \u0149 woordvoerder vir die Nigerstaat Regering, het per telefoon aan die AFP nuusagentskap vertel: \u201cHulle het 42 mense ontvoer. Hulle het 27 kinders saam met drie onderwysers gevat. Een van die leerlinge is doodgemaak. Hulle het ook 12 familielede van die onderwysers ontvoer.\u201d<\/em><\/p>\n

President Muhammadu Buhari het aan sekuriteitsmagte die opdrag gegee om \u0149 reddingsplan in plek te stel. Terwyl dit nog nie duidelik is wie vir die ontvoering verantwoordelik is nie, word daar aangeneem dat kriminele bendes, ook bekend as struikrowers, agter die aanval sit.<\/p>\n

\u201cDie onvoering van Christene en gematigde Moslem-burgers deur radikale Islamitiese groepe, asook die onvoering vir lospryse, word beskou as \u0149 inheemse siekte van noordelike Nigeri\u00eb. Dit het \u0149 alledaagse verskynsel geword. Weens die onvoldoende beskerming van die regering se sekuriteitsmagte, word burgers, veral kinders, blootgestel aan kommerwekkende vlakke van gevaar en trauma wat onmiddellike en langtermyn skade gaan berokken aan die Nigeriese samelewing. <\/em><\/p>\n

\u201cDaadwerklike aksie is nodig vir Nigeri\u00eb en haar internasionale vennote om die veiligheid van burgers en die beskerming van almal, ongeag van hul ras, geslag of geloof, te verseker,\u201d <\/em>meen Jo Newhouse*, woordvoerder van Geopende Deure sub-Sahara Afrika.<\/p>\n

Hierdie ontvoering het plaas gevind slegs twee dae voor die derde herdenking van Leah Sharibu en die 109 meisies se ontvoering vanaf Dapchi in Yobestaat deur Boko Haram op 19 Februarie 2018. \u0149 Maand na die voorval is al die oorlewendes, behalwe Leah (wat op daardie stadium 14-jaar oud was) vrygelaat. Sy het in aanhouding gebly omdat sy geweier het om na Islam oor te skakel.<\/p>\n

Twee maande gelede, is 340 seuns van hul skool in Kankara, Katsina-staat onvoer en \u0149 week later vrygelaat.<\/p>\n

Vier jaar voor hierdie insidente, in April 2014, het Boko Haram byna 300 vroulike leerlinge van Chibok, Borno, ontvoer. 112 van daardie meisies is steeds in aanhouding.<\/p>\n

Sluit by ons aan in gebed op die vooraand van Leah Sharibu se ontvoeringsherdenking:<\/p>\n