Jy staan saam met Gelowiges vanuit ʼn Moslemagtergrond in China
Alle gelowiges in China ervaar vervolging vanaf die staat vir hul geloof. Maar die paar duisend Gelowiges vanuit ʼn Moslemagtergrond (GVM’s) leef ook in vrees vir vervolging vanaf hul families en gemeenskappe.
Victor, ʼn Han Chinese pastoor en leraar, het eerstehands gesien hoe sy GVM-vrou deur die Moslemgemeenskap behandel is as gevolg van haar Christelike geloof. Deur hierdie persoonlike ervaring is hy deur God gelei gevoel om GVM’s in soortgelyke situasies te dien.
Geopende Deure het hom toe in aanraking gebring met Grace, ʼn vrou wat betrokke is by die leierskap van GVM-kerke. Baie mense in haar kerk het opgehou om bymekaar te kom omdat die regering regulasies geïmplementeer het met ernstige strawwe vir onwettige godsdienstige aktiwiteite. Die strawwe wissel van werksverlies tot gevangeneskap.
“Broers en susters is onder baie druk, en hulle vrees dat hulle hul werk of ander vryhede mag verloor. Ons weet nie wat om te doen om hulle te bemoedig nie,” het Grace vertel.
Gelukkig, te danke aan jou ondersteuning, kon Grace en ʼn ander leier in haar kerk ʼn mentorskapprogram bywoon wat deur pastoor Victor gelei is. Dit het hulle baie bemoedig en hulle gehelp om aan te hou dien in so ʼn ontoegeeflike omgewing.
“Ons is dankbaar dat jy so baie moeite doen om na ons toe te kom, en jy sal jouself nie kan voorstel hoe baie jy ons bemoedig het nie,” het Grace vir pastoor Victor gesê. En vir jou sê sy, “Dankie dat julle my nie toelaat om ooit te voel asof ek alleen hier is nie.”
Ten spyte van die regering se strenger beperkings op Christelike aktiwiteite en die konstante druk wat GVM’s in China in die gesig staar, word gelowiges soos Grace versterk in hul geloof te danke aan die vervolgingsverwante opleiding, dissipelskapopleiding, leierskapsontwikkeling en Christelike materiale wat jy help voorsien deur jou vennootskap.
Dankie dus dat jy saam met haar, en so baie ander, staan deur jou geskenke en gebede.
*Verteenwoordigende foto gebruik.