skip to Main Content
Streek Oos-Europa en Noord-Asië
Christelike bevolking 82% Christene in die land
Meederheidsgeloof Christenskap
2020 Ranglysposisie 46
2019 Ranglysposisie 41

46Russiese Federasie

In die Kaukasus-streek veg Islamitiese militante teen die Russiese weermag om ’n Moslem-emiraat te vorm. Baie Gelowiges vanuit ’n Moslem-agtergrond het vir veiligheid uit die Kaukasus-streek gevlug. In gebiede soos Tsjetsjnië en Dagestan word die keuse om Islam te verlaat en Jesus te volg as ’n verwerping van die nasionale identiteit beskou.

Christene vanuit ’n Moslem-agtergrond in streke wat oorheersend Moslem is, byt die spit van vervolging af aan die hand van familie, vriende en die plaaslike gemeenskap. Hulle hou dikwels hul geloof ’n geheim. Diegene wat geïdentifiseer word, kan onder huisarres geplaas word in ’n poging om hulle te forseer om terug te keer na Islam.

Ongeveer 78% van die bevolking behoort aan die Russies Ortodokse Kerk en geniet steeds die guns van die regering, wat tot nadeel van ander Christelike groepe is. Enigiemand buite die Ortodokse Kerk, selfs Christene, is onder ’n mate van verdenking. Dié houding het wrywing geskep met ander denominasies, veral Protestante.

GETUIENIS

“Moenie bang wees om tronk toe te gaan vir jou geloof nie. Dit sal gebruik word om jou te versterk. Waar ook al daar vervolging en druk is, sien ons hoe God se Naam meer verheerlik word as in gebiede met godsdiensvryheid.”

– Nicolai van Rusland

Nicolai is dekades gelede, toe Rusland nog deel van die Sowjet-Unie was, vir sy geloof in Jesus vervolg. Na jare van betreklike godsdiensvryheid is vervolging weer aan die toeneem in Rusland.

pray

BID VIR DIE RUSSIESE FEDERASIE

  • Bid vir eensgesindheid onder Christene in Rusland, dat hulle denominasie-verskille sal oorkom en saam sal werk as die liggaam van Christus.
  • Bid dat God Christene in die Kaukasus-streek sal beskerm en Gelowiges van ’n Moslem-agtergrond sal help om op veilige maniere bymekaar te kan kom.
  • Bid vir troos en bemoediging onder gelowiges wat geforseer is om van hul tuistes en gemeenskappe te vlug oor hul Christelike geloof.

ONS WERK

Geopende Deure voorsien in hierdie streek noodleniging aan Christene wat in die tronk is vir hul geloof, hul werk verloor het of deur hul familie en gemeenskap verwerp is.

TEKEN IN om jou weeklikse Gebedsflitse te ontvang

  • This field is for validation purposes and should be left unchanged.

ONLANGSE NUUS

Back To Top
×Close search
Soek