skip to Main Content
Streek   Asië
Bevolking   30 260 000
Christelike bevolking   1 285 000 (4,2%)
Meederheidsgeloof   Hindoeïsme
2021 Ranglysposisie   34
2020 Ranglysposisie   32

34Nepal

In Nepal word bekeerlinge vanaf Hindoeïsme onder die meeste druk geplaas. Hulle word gesien as afwykend van hul voorvaders se geloof, en dat hulle hul bande met hul kultuur en nasionale identiteit verbreek. Bekeerdes – en lede van Protestantse kerke – ervaar druk van hul families, vriende, gemeenskap en plaaslike owerhede. Rooms-Katolieke kerke, sowel as kerke wat buitelanders bywoon, het dikwels minder probleme.

Nepal het ernstige politieke onstabiliteit, wat deur binnegevegte in die regering en ʼn konstante toutrekkery tussen hul magtige buurlande, China en Indië, aangevuur word. Hindoe-ekstremiste trek voordeel hieruit met aanvalle op Christene.

Daar is ook ʼn anti-omskakelingswet in Nepal, wat onlangs gebruik is om buitelandse burgers te verban. Hierdie wet kan breedweg toegepas word en word gebruik om Christene te teiken, aangesien dit bepaal dat enigeen wat ʼn individu oorreed om na ʼn ander godsdiens om te skakel in die tronk gegooi, beboet of gedeporteer kan word. In sommige gebiede is Christene regeringshulp tydens die COVID-19-pandemie geweier, wat hul status as tweedeklasburgers opnuut beklemtoon het.

Ontmoet Bhumika*

“Ek word nie toegelaat om water uit die openbare put in ons dorp te gaan haal nie, en ons word nie eers toegelaat om aan die handvatsel van die waterpomp te raak nie. Ek gaan haal dikwels stilletjies in die nag water.”

Toe Bhumika* en haar man tot geloof gekom het, is hulle toegang tot die dorp se waterbronne geweier en het hulle gesukkel om hul daaglikse behoeftes te vervul – maar te danke aan die gebede en ondersteuning van Geopende Deure-vennote, kon ons aan hulle praktiese hulp verskaf en hulle verseker dat hulle nooit alleen of vergete is nie.

*Naam vir sekuriteitsredes verander.

pray

Bid vir Nepal

  • Bid dat die Christene in Nepal wysheid sal hê om te weet hoe om hul geloof veilig te deel en dapper genoeg sal wees om aan te hou om die Evangelie te deel. Bid dat God diegene wat beperkings op evangelisering plaas se harte sal versag, en dat Hy hulle nader aan Hom sal trek deur die dapper getuienis van ons broers en susters.
  • Bid vir Christenvroue in Nepal wat vervolging deur hul familielede in die gesig staar. Baie word aangerand, gedreig, verbied om kerk toe te gaan, verwerp en is alleen. Bid asseblief dat hierdie vroue met behulp van God se krag sal aanhou om sterk te staan in hul geloof, en dat hulle deur God die wonderlike genade van Jesus Christus met hul families sal kan deel.
  • Bid vir gelowiges wat in baie afgeleë dorpe bly. Dit is moeilik vir ons plaaslike vennote om hulle te kontak en wanneer hulle vervolging ervaar, sukkel ons vennote om vinnig by hulle uit te kom. Bid vir die Christene in hierdie dorpe dat God hulle sal versterk en in hul behoeftes sal voorsien.

Wat doen Geopende Deure om Christene in Nepal te help?

Geopende Deure werk deur kerkvennote en vrywilligers in Nepal. Die bediening fokus op verskillende aspekte, waaronder die verspreiding van Bybels en ander Christelike materiaal, opleiding vir kerkleiers en Christene (insluitende vervolgingsvoorbereidheid-opleiding), sosio-ekonomiese hulp (insluitende noodleniging tydens COVID-19), regshulp en voorspraak, en spesiale projekte soos deur die plaaslike Kerk versoek.

TEKEN IN om jou weeklikse Gebedsflitse te ontvang

  • Hidden
  • This field is for validation purposes and should be left unchanged.

ONLANGSE NUUS

Back To Top
×Close search
Soek