| Streek | Arabiese Skiereiland | |
| Christelike bevolking | 12% Christene in die land | |
| Meederheidsgeloof | Islam | |
| 2020 Ranglysposisie | 43 | |
| 2019 Ranglysposisie | 43 |
43Koeweit
Die bekering van Islam tot ’n ander geloof word nie amptelik erken nie en sal waarskynlik tot regsprobleme lei. Koeweitse gelowiges vanuit ’n Moslem-agtergrond ervaar druk van hul families om hul geloof te verloën. Hulle loop die risiko van diskriminasie, teistering, om deur die polisie dopgehou te word en intimidasie deur waaksame groepe.
Buitelandse Christene is redelik vry om op informele wyses te aanbid, maar hul kerke ervaar baie beperkings. Bestaande plekke wat vir aanbidding geregistreer is, is baie klein en beperk. Dit is ontsettend moeilik om eiendom vir aanbidding te bekom. Evangelisering word streng verbied, asook Christelike onderrig en godsdienstige literatuur, wat as aanvallend teenoor Islam gesien word. Verder is buitelandse Christenvroue kwesbaar vir seksuele teistering en mishandeling.
Verslae dat Christene beseer is, in die tronk gegooi is of vir hul geloof vermoor is, is raar.
GETUIENIS
“Mense is baie ontvanklik teenoor die Evangelie. Ons het gesien hoe God ’n groot werk doen en baie mense het Christus aanvaar. Hou ons asseblief in julle gebede, want God is besig om wonderlike werk te doen.”
– Emmanuel*, ’n pastoor van die Arabiese Skiereiland
Verwonderd oor hoe God te werk gaan ten spyte van die moeilikhede en struikelblokke, moedig Emmanuel alle Christene aan om te bid, want die werk is heeltemal van God afhanklik.
*Naam verander vir sekuriteitsredes
Bid vir Koeweit
- Bid vir eensgesindheid onder die Kerk in Koeweit terwyl hulle verplig is om plekke van aanbidding tussen verskillende groepe te deel.
- Bid vir die Kerk om getrou te bly ten spyte van vervolging.
- Bid vir die Kerk om kreatiewe maniere te vind om die Evangelie aan Moslems te verkondig.
ONS WERK
Geopende Deure doen voorbidding en werf steun vir gelowiges in die Arabiese Skiereiland om hulle te help om te volhard terwyl hulle vervolging deurstaan vir hul geloof in Jesus.