Wat Ons Doen

Ons dien vervolgde Christene regoor die wêreld. Ons gaan waar ander nie gaan nie, en doen wat ander nie doen nie. Ons visie is nie 'n mededingende visie nie: as ander die werk reeds doen, laat ons dit aan hulle oor. Ons wil ons hulpbronne konsentreer op die behoeftigste dele van die wêreld.

Die vervolgde Kerk het verskeie behoeftes en daarom dien Geopende Deure hierdie deel van die Liggaam op baie verskillende maniere. Onder andere voorsien ons: Bybels en literatuur, bedieningsopleiding, geletterdheidskursusse, praktiese hulp, teenwoordigheid en aanmoediging.

Andrew van der Bijl, 'n jong Nederlandse sendeling is genooi om 'n Kommunistiese Jeugfees by te woon in 1955 in Pole. In sy tas het hy Christelike leesstof gedra, bedoel vir gelowiges in Warschau. Wat hy agter die Ystergordyn gevind het, was 'n Kerk met ʼn dringende behoefte aan ondersteuning en Bybels. Dit is in hierdie oomblik dat God Broer Andrew, soos wat hy oor die algemeen bekendstaan, geroep het deur die woorde van Openbaring 3:2, "Word wakker en versterk die wat oorbly, wat op die punt staan om te sterwe…"

Lees meer oor Geopende Deure geleenthede wat in jou area plaasvind. Ons voorsien jou van die datum, tyd en 'n kaart om jou weg te vind.